Umboðsmaður barna hefur sent mennta- og menningarmálaráðherra bréf þar sem bent er á að lögum um eftirlit með aðgangi barna að kvikmyndum og tölvuleikjum nr. 62/2006 er ekki  nægilega fylgt í framkvæmd, þó að nær fimm ár séu liðin frá gildistöku þeirra.

Umboðsmaður barna, UNICEF og Reykjavíkurborg kynna í dag verkefnið Stjórnlög unga fólksins. Markmiðið er að tryggja að skoðanir íslenskra barna og ungmenna heyrist við endurskoðun stjórnarskrárinnar.

Umboðsmaður barna hefur sent Guðbjarti Hannessyni velferðarráðherra bréf þar sem bent er á að börnum sem ósjúkratryggðar konur ganga með er mismunað þegar kemur að eftirliti með meðgöngu.

Vegna umræðu um aðstæður barna sem verða með beinum eða óbeinum hætti fyrir ofbeldi af hendi einhvers nákomins vill umboðsmaður barna benda á að í nýlegri skýrslu embættisins til Barnaréttarnefndar Sameinuðu þjóðanna, sem hefur eftirlit með framkvæmd Barnasáttmálans, var bent á að brýnt sé að auka vernd barna gegn ofbeldi þegar teknar eru ákvarðanir um forsjá og umgengni.

Í umsögn um þingsályktunartillögu um norrænt hollustumerki, Skráargatið, segja talsmaður neytenda og umboðsmaður barna að með því ykist neytendavernd barna þar sem þá tækju gildi leiðbeiningarákvæði frá embættunum um að halda ekki öðrum matvælum að börnum.

Umboðsmaður barna vill vekja athygli á málstofu um skóla án aðgreiningar sem haldin verður miðvikudaginn 6. apríl kl. 12:15 til 13:15 í stofu 101 í Lögbergi HÍ.

Umboðsmaður barna vill vekja athygli á málþingi um marijuananeyslu ungs fólks sem haldið verður í Rimaskóla mánudaginn 4. apríl kl. 16:30 - 19:00. Yfirskriftin er BARA GRAS? Fræðsla til foreldra um skaðsemi kannabis.

Sjávarútvegs- og landbúnaðarnefnd Alþingis óskaði eftir umsögn umboðsmanns barna um tillögu til þingsályktunar norræna hollustumerkið Skráargat, 508. mál.Sameiginlega umsögn sína veittu umboðsmaður barna og talsmaður neytenda með bréfi dags. 31. mars 2011. 

Málstofa um barnavernd verður haldin á mánudaginn undir yfirskriftinni ,,Foreldrafræðsla fyrir seinfæra foreldra”. Fyrirlesari er Hanna Björg Sigurjónsdóttir, dósent við Félags- og mannvísindadeild HÍ.