Vilt þú vera í ráðgjafarhópi umboðsmanns barna?

Ef þú ert á aldrinum 12 - 17 ára og vilt vinna að mannréttindum barna og ungmenna þá gæti ráðgjafarhópurinn verið góður kostur fyrir þig.

Þau sem hafa áhuga á að starfa í hópnum er velkomið að sækja um með því að senda póst á ub@barn.is eða hringja í síma 800-5999. Þar er gott að taka fram nafn, aldur og hvers vegna þú hefur áhuga á því að starfa í ráðgjafarhópnum. 

Hópurinn hittist einu sinni til tvisvar í mánuði. Á fundum tölum við um mikilvæg mál sem koma okkur og öðru ungu fólki við.

Við leitum að fjölbreyttum hópi ungs fólks til þess að vinna að mannréttindum barna og ungmenna á Íslandi.


Hvað gerir ráðgjafarhópurinn?

Ráðgjafarhópur umboðsmanns barna er ráðgefandi aðili fyrir umboðsmann barna um þau málefni sem snúa að börnum og ungmennum í íslensku samfélagi.

Hvað gerir umboðsmaður barna?

Umboðsmaður barna er opinber talsmaður allra barna á Íslandi frá aldrinum 0-18 ára. Umboðsmaður barna hefur það hlutverk að bæta hag barna og standa vörð um hagsmuni, þarfir og réttindi þeirra.

Það er mikilvægt fyrir umboðsmanninn að heyra reglulega í börnum og vinna út frá þeirra sjónarmiðum.

Hver eru helstu hlutverk ráðgjafarhópsins?

  • Vera ráðgefandi fyrir umboðsmann barna í málum sem varða réttindi og hagsmuni barna
  • og ungmenna. 
  • Taka þátt í verkefnum í samstarfi við starfsmenn embættisins ef tími og aðstæður ráðgjafa leyfa.
  • Vinna að verkefnum sem stuðla að vitundarvakningu barna og ungmenna um réttindi þeirra.
  • Sitja fundi og ráðstefnur með sérfræðingum, ráðamönnum og þingnefndum.

Ráðgjafarhópur umboðsmanns barna er vettvangur þar sem ungt fólk kemur saman til þess að koma skoðunum sínum á framfæri og fær tækifæri til þess að hafa áhrif á málefni sem skipta þau máli í samfélaginu.




Hafðu samband

Póstlisti


Þetta vefsvæði byggir á Eplica