Umboðsmanni barna hafa borist þó nokkrar ábendingar vegna aðfarargerðar í forsjármáli sem framkvæmd var á Barnaspítala Hringsins.

Þann 9. júní sl., birti barnaréttarnefnd Sameinuðu þjóðanna tilmæli sín til íslenska ríkisins um nauðsynlegar úrbætur sem miða að því að tryggja áframhaldandi innleiðingu Barnasáttmálans á öllum sviðum samfélagsins.

Katrín Jakobsdóttir, forsætisráðherra flutti munnlega skýrslu um niðurstöður barnaþings á Alþingi í gær, fimmtudaginn 9. júní. Í kjölfarið fóru fram umræður þar sem fjöldi þingmanna tók til máls. 

Umboðsmaður barna fagnar þeirri ákvörðun meirihluta borgarstjórnar að gera strætóferðir gjaldfrjálsar fyrir börn í grunnskóla. En embættið hefur átt í ítrekuðum samskiptum við stjórn og framkvæmdarstjóra Strætó bs. vegna hækkunar á gjaldi fyrir árskort ungmenna.

Nemendur í Kerhólsskóla í Grímsnes- og Grafningshreppi, ásamt umboðsmanni barna, gróðursettu 55 trjáplöntur í Vinaskógi við Þingvelli. Verkefnið var í samstarfi við Skógræktarfélag Íslands og Yrkju – sjóð æskunnar til ræktunar landsins.

Úthlutun var tilkynnt á degi barnsins við athöfn í skála Alþingis en sjóðurinn styrkir 34 verkefni á þessu ári. Þetta er í fjórða sinn frá stofnun sjóðsins sem veittir eru styrkir til barnamenningar. 

Fulltrúar úr ráðgjafarhópi umboðsmanns barna afhentu ráðherrum ríkisstjórnarinnar skýrslu barnaþings 2022 en í henni eru að finna helstu niðurstöður frá þinginu sem haldið var í mars síðastliðinn. Afhending fór fram á ríkisstjórnarfundi í Ráðherrabústaðnum. 

Sumar- og aukastörf ungmenna geta reynst góður undirbúningur fyrir þátttöku þeirra á almennum vinnumarkaði síðar meir. Gæta þarf að því að þau valdi starfinu, það sé í samræmi við aldur þeirra, líkamlega getu og þroska og þau beri ekki of mikla ábyrgð.