Umboðsmaður barna hefur sent dómsmála og mannréttindaráðherra bréf, dags. 15. mars 2010, þar sem umboðsmaður hvetur ráðherra til þess að hlutast til um að gerðar verði verklagsreglur um framkvæmd aðfarargerða og þær unnar í samstarfi við þá aðila sem koma að slíkum gerðum.

Umboðsmaður barna hefur sent tölvupóst til allra grunnskóla landsins, sveitarfélaga (þ.e. ungmennaráða og þeirra sem starfa með börnum og unglingum) og ýmissa samtaka sem vinna með börnum. Í skeytinu er m.a. boðið upp á kynningu fyrir hópa.

Borgarstjórn Reykjavíkur hefur lýst daginn í dag, 17. mars, sem dag án eineltis. Deginum er ætlað að vekja athygli á þessu alvarlega vandamáli og minna á að allir dagar ættu að sjálfsögðu að vera án eineltis. Í tilefni dagsins verður haldið málþing í Ráðhúsinu og hefst það kl. 14:30.

Ráðgjafarhópur umboðsmanns barna hefur sent menntamálaráðherra bréf þar sem hann gagnrýnir það að ungmenni hafi ekki verið höfð með í ráðum áður en áfangaskýrsla starfshóps um innritun í framhaldsskóla var gefin út.

 Allsherjarnefnd Alþingis óskaði eftir umsögn umboðsmann barna um tillögu til þingsályktunar um réttarbætur fyrir transfólk, 168. mál.. Umsögn sína veitti umboðsmaður barna með bréfi dags. 12. mars 2010. 

Samstarfshópurinn Náum áttum stendur fyrir morgunverðarfundi um viðbrögð kerfisins við vímuefnaneyslu barna miðvikudaginn 17. mars 2010 kl. 8:15 til 10:00 á Grand hótel

Umboðsmaður barna hefur í nokkurn tíma átt mjög gott samstarf við Rimaskóla. Á dögunum var óskað eftir því að umboðsmaður, Margrét María, yrði viðstödd Stóru upplestrarkeppnina þar og tæki sæti í dómnefnd. Umboðsmaður þáði þetta boð með þökkum og átti góða stund með nemendum 7. bekkja skólans.

Vegna umfjöllunar um skólareglur í fjölmiðlum vill umboðsmaður barna koma sjónarmiðum sínum á framfæri.

Umboðsmaður barna hefur ákveðið að safna upplýsingum um þá sjóði sem starfa í þágu barna á einn eða annan hátt, hvort sem þeir starfa samkvæmt eftir staðfestri skipulagsskrá skv. lögum nr. 19/1988 eða ekki.