Stóra upplestrarkeppnin í Rimaskóla
Umboðsmaður barna hefur í nokkurn tíma átt mjög gott samstarf við Rimaskóla. Á dögunum var óskað eftir því að umboðsmaður, Margrét María, yrði viðstödd Stóru upplestrarkeppnina þar og tæki sæti í dómnefnd. Umboðsmaður þáði þetta boð með þökkum og átti góða stund með nemendum 7. bekkja skólans.
Umboðsmaður barna hefur í nokkurn tíma átt mjög gott samstarf við Rimaskóla. Á dögunum var óskað eftir því að umboðsmaður, Margrét María, yrði viðstödd Stóru upplestrarkeppnina þar og tæki sæti í dómnefnd. Umboðsmaður þáði þetta boð með þökkum og átti góða stund með nemendum 7. bekkja skólans.
Keppnin var hnífjöfn og stóðu krakkarnir sig afskaplega vel við upplesturinn. Dómnefndin, sem auk umboðsmanns var skipuð Mörtu Karlsdóttur aðstoðarskólastjóra og Pétri Þorsteinssyni presti úrskurðuðu þrjá jafna sigurvegara; Öldu Þyrí Þórarinsdóttur 7-A, Örnu Bjarnadóttur 7-A og Ernu Gunnarsdóttur 7-B sem komast áfram í lokakeppnina 22. mars í Grafarvogskirkju.