Samstarfshópurinn Náum áttum stendur fyrir morgunverðarfundi udir yfirskrifstinni „velferð barna - tækifæri til skimunar og þjónustu í skólakerfinu" á morgun 14. apríl á Grand hotel Reykjavík kl. 8:15 til 10:00.

Út er komin skýrsla með niðurstöðum kannana sem Lýðheilsustöð gerði á meðal leik- og grunnskólastjóra á Íslandi vorið 2009. Niðurstöðurnar varpa ljósi á stöðu helstu þátta sem snerta aðstæður, framboð og hvernig unnið er að hreyfingu og hollri næringu í öllum leik- og grunnskólum landsins.

Ungmennafélag Íslands (UMFÍ) hélt í annað sinn ráðstefnuna Ungt fólk og lýðræði, dagana 7. – 9. apríl. Að þessu sinni var hún haldin á Laugum í Dalabyggð. Markmið ráðstefnunnar var að skapa umræðuvettvang fyrir ungmenni sem starfa í ungmennaráðum um allt land.

Á fundi umboðsmanns barna með fulltrúum frá mennta- og menningarmálaráðuneytinu þann 15. mars 2010 var rætt um væntanlega reglugerð um ábyrgð nemenda, sbr. 6. mgr. 14. gr. laga um grunnskóla  nr. 91/2008. Til að koma frekari ábendingum á framfæri við ráðuneytið skrifaði umboðsmaður bréf, dags. 8. apríl 2010.

Menntamálanefnd Alþingis óskaði eftir umsögn umboðsmanns barna um frumvarp til laga um fjölmiðla, þskj. 740, 423. mál. Umsögn sína veitti umboðsmaður barna með bréfi dags. 7. apríl 2010.

Umboðsmaður hefur sent formanni nefndar um endurskoðun á byggingarreglugerð bréf þar sem nokkrum athugasemdum er komið á framfæri, m.a. varðandi hljóðvist, skólalóðir, aðgengis- og öryggismál.

Félags- og tryggingamálanefnd Alþingis óskaði eftir umsögn umboðsmanns barna um frumvarp til laga um fæðingar- og foreldraorlof (réttur einstæðra mæðra), 163. mál. Umsögn sína veitt umboðsmaður barna með bréfi dags. 23. mars 2010.

Handbók um mataræði í framhaldsskólum er komin út á vegum Lýðheilsustöðvar. Handbókin er gefin út í tengslum við verkefnið Heilsueflandi framhaldsskóli og er ætluð sem stuðningur við skólann í vinnu sinni við að stuðla að hollu mataræði nemenda og starfsfólks.