Fréttir: apríl 2007
Fyrirsagnalisti
Fjöldi barna í leikskólum 2006
Hagstofa Íslands hefur gefið út nýjar tölur um fjölda barna í leikskólum í árslok 2006. Í frétt á vefsíðu Hagstofunnar segir að börn í leikskólum hafi aldrei verið fleiri og dvalartími barna í leikskólum lengist stöðugt.
SAMAN hópurinn hlýtur lýðheilsuverðlaunin 2007
Íslensku lýðheilsuverðlaunin 2007 voru veitt við hátíðlega athöfn í Ráðherrabústaðnum við Tjarnargötu í morgun. Handhafi verðlaunanna í ár er SAMAN hópurinn og veitti Siv Friðleifsdóttir heilbrigðis- og tryggingamálaráðherra hópnum verðlaunin fyrir að leiða saman ólíka aðila til stuðnings íslenskum foreldrum í vandasömu uppeldishlutverki þeirra.
Til hamingju Ástráður!
Ástráður, forvarnastarf læknanema, hlaut nýlega Íslensku forvarnaverðlaunin 2007. Verðlaunin eru veitt af Forvarnarhúsi Sjóvár. Ástráður þykir hafa unnið mikilvægt og vandað sjálfboðastarf til að efla kynheilbrigði ungs fólks og er öðrum háskólanemum góð fyrirmynd og hvatning.
Efling foreldrahæfni - Stefna Evrópuráðsins
Nýlega samþykkti ráðherranefnd Evrópuráðsins tilmæli til aðildarríkjanna um stefnu til eflingar foreldrahæfni (2006)19. Jafnframt fylgja tvö fylgiskjöl um foreldrahæfni í Evrópu samtímans: "Mikilvæg boð til foreldra: ölumst upp saman" og "Leiðbeiningar handa fagfólki".
Unglingar vilja skýr mörk - sænsk könnun
Unglingar vilja að foreldrar þeirra setji þeim mörk og vilja ekki að foreldrar kaupi fyrir þá áfengi eða bjóði þeim upp á bjór og vín. Þetta kemur fram í könnun sem umboðsmaður barna í Svíþjóð gerði meðal ráðgjafarbekkja sinna.
Einmana börn - Fræðslufundur
Samstarfshópurinn NÁUM ÁTTUM heldur fræðslufund um börn og einmanaleika á Grand hóel þriðjudaginn 24. apríl n.k. kl. 8:15 - 10:00.
Nám að loknum grunnskóla 2007
Menntamálaráðuneytið hefur gefið út fræðsluritið Nám að loknum grunnskóla 2007. Í bæklingnum er kynnt það nám sem í boði er í íslenskum framhaldsskólum.
Olnbogabörn skólasamfélagsins - eru þau til enn?
FÍUM, Félags íslenskra uppeldis- og meðferðarstofnana fyrir börn og unglinga, stendur fyrir málþingi í Rúgbrauðsgerðinni í Borgartúni, miðvikudaginn 18. apríl nk. frá kl. 8:30 til kl. 15:30.
Tökum kúrsinn - Ráðstefna um málefni innflytjenda
Ráðstefna um málefni innflytjenda verður haldin mánudaginn 16. apríl kl. 13:30 til kl. 16:00 í Tjarnarsal Ráðhúss Reykjavíkur.
Síða 1 af 2
- Fyrri síða
- Næsta síða