Fréttir: 2020 (Síða 4)

Í dag sendi umboðsmaður barna bréf til Kópavogsbæjar þar sem óskað var eftir upplýsingum og skýringum á ýmsum málum er varðar þjónustu við fötluð börn, vinnulagi og nýlegum dóm héraðsdóms Reykjaness. 

Skýrsla barnaþings 2019 var afhent ráðherrum fyrir utan ráðherrabústaðinn í morgun að loknum ríkisstjórnarfundi.

Á vormánuðum 2019 undirrituðu félags- og barnamálaráðherra og umboðsmaður barna, samkomulag um aukið samstarf í málefnum barna. Með samkomulaginu tók embætti umboðsmanns barna að sér að móta tillögur um breytt verklag um þátttöku barna sem settar eru fram í þessari skýrslu sem skilað var til ráðuneytisins í desember 2019.

Umboðsmanni barna hafa borist erindi frá börnum sem eru búsett í þeim sveitarfélögum sem um ræðir, þar sem þau lýsa yfir miklum áhyggjum vegna fyrirhugaðra verkfallsaðgerða Eflingar. 

Óskað er eftir frásögnum barna um líðan þeirra, sýn og reynslu af því að vera barn á þessum tímum en kórónuveirufaraldurinn hefur haft mikil áhrif á daglegt líf barna, svo sem skólagöngu, tómstundir og aðstæður þeirra heima fyrir.

Barnaheill, Umboðsmaður barna, og UNICEF á Íslandi hafa í samstarfi við Menntamálastofnun gefið út nýtt efni með ákvæðum Barnasáttmála Sameinuðu þjóðanna. Um er að ræða veggspjald og bækling þar sem greinar Barnasáttmálans eru settar fram á aðgengilegan máta. 

Framundan er afnám ýmissa takmarkana sem geta haft mikil áhrif á líðan og hagi barna og ungmenna í íslensku samfélagi. Umboðsmaður sendi bréf til forsætisráðuneytisins þar sem bent var á nauðsyn þess að stuðla að samræmingu og eftirfylgni aðgerða í þágu barna og fjölskyldna.

Umboðsmaður barna hefur fengið fyrirspurnir frá börnum vegna þeirra röskunar sem hefur orðið á skólastarfi í kjölfar aðgerða sem miða að því að hefta útbreiðslu kórónuveirunnar.

Sem viðbrögð við umræðu um skólaforðun hefur umboðsmaður barna sent bréf til mennta- og menningarmálaráðuneytisins og menntamálastofnunar varðandi samræmda skráningu skólasóknar barna í grunnskóla.