Fréttir: 2010 (Síða 2)

Barnasáttmáli Sameinuðu þjóðanna var 20 ára á síðasta ári. Af því tilefni voru teknar saman 23 greinar um leiðir til að virkja börn til þátttöku í norrænu ríkjunum fimm og á sjálfstjórnarsvæðunum Álandseyjum, Færeyjum og Grænlandi. Nú er búið að þýða ritið á íslensku og fleiri tungumál.

Umboðsmanni barna og ráðgjafarhóp umboðsmanns gáfust kostur á að koma með athugasemdir við endurbætt drög að reglugerð um ábyrgð og réttindi nemenda í grunnskólum með tölvupóstum frá menntamálaráðuneytinu dags. 4. nóvember. Athugasemdir voru sendar ráðuneytinu með pósti dags. 23.nóvember 2010.

Hinn 15. nóvember fór umboðsmaður barna á fund Félags- og tryggingamálanefndar til að ræða frumvarp til laga um breytingu á barnaverndarlögum nr. 80/2002. Í framhaldi af fundinum sendi umboðsmaður bréf til nefndarinnar, dags. 23. nóvember 2010, þar sem hann lýsir hugmyndum sínum um málefni barna sem brotið hafa af sér.

Umboðsmaður barna vill vekja athygli á málstofu um barnavernd sem haldin verður mánudaginn 29. nóvember og fjallar um samvinnu við gerð áætlana.

Eftirfarandi grein birtist í Fréttablaðinu 17. nóvember 2010.

Umboðsmaður barna vill vekja athygli á áhugaverðu myndbandi um einelti sem var útbúið fyrir nemendur grunnskóla til að vekja þá til umhugsunar og vekja hjá þeim samkennd og kærleik fyrir náunganum. Myndbandið var sérstaklega gert til að sýna nemendum hinar ýmsu birtingarmyndir eineltis, fá þá til að ræða og íhuga efni myndbandsins og til að vekja nemendur til umhugsunar um alvarleika eineltis og hræðilegar afleiðingar þess.

Hjálparsími Rauða krossins 1717 stendur fyrir átaki vikuna 25. – 31. október undir yfirskriftinni „Ég er ekki með unglingaveiki – mér bara líður illa“. Með átaksvikunni vill Hjálparsíminn 1717 vekja athygli ungs fólks á því að stuðningur í nánasta umhverfi skiptir miklu máli fyrir góða geðheilsu.

Í tilefni af kvennafrídeginum mun skrifstofa umboðsmanns barna loka kl. 14:25 í dag.

Umboðsmaður barna hefur sent nefndarmönnum í fjárlaganefnd Alþingis bréf þar sem vakin er athygli á þeim sjónarmiðum sem þarf að hafa í huga þegar þjónusta er skorin niður. Í bréfinu er fjallað um rétt barna til menntunar, umönnunar, heilbrigðis og framfærslu.