Í síðustu viku heimsótti umboðsmaður barna, Margrét María Sigurðardóttir, ásamt starfsmanni embættisins, Eðvaldi Einari Stefánssyni, nokkra skóla sem taka þátt í verkefninu "Hvernig er að vera barn á Íslandi".

Margrét María Sigurðardóttir, umboðsmaður barna, mun halda erindi á annarri málstofu RBF og félagsráðgjafarskorar HÍ miðvikudaginn 24. október. Yfirskrift erindisins er Réttur barna til beggja foreldra - Lögheimili barna.

Árlegt málþing KHÍ verður haldið dagana 18. og 19. október. Yfirskriftin er Maður brýnir mann - Samskipti Umhyggja Samábyrgð

Snemmtæk íhlutun í leikskóla er yfirskrift málþings sem þjónustumiðstöðvar Laugardals og Háaleitis standa fyrir föstudaginn 12. október í Kennaraháskóla Íslands. Á málþinginu verður fjallað um hugmyndafræði, framkvæmd, gæðaviðmið þjónustu og reynslu leikskóla af snemmtækri íhlutun.

Rödd barna við skilnað - veruleiki og þróum úrræða er yfirskrift opins morgunverðarfundar sem fræðslunefnd Félagsráðgjafafélags Íslands stendur fyrir á Grand hóteli miðvikudaginn 17.okt. kl. 08:15-10:00

Umboðsmaður barna vill vekja athygli á ráðstefnu Þroskahjálpar „Manna börn eru merkileg“ sem haldinn verður laugardaginn 13. október á Grand hótel í Reykjavík. Umboðsmaður verður með erindi á ráðstefnunni auk fjölda fræðimanna, fagfólks og annarra með reynslu af málaflokknum.

Unnið er að því nú að kanna möguleika á samnorrænu, valfrjálsu hollustumerki. Slíkt merki myndi væntanlega auðvelda viðleitni umboðsmanns barna og talsmanns neytenda við að setja frekari mörk við markaðssókn sem beinist að börnum.

Í þessari viku hófst formlega verkefnið Göngum í skólann sem stendur út októbermánuð. Verkefninu er ætlað að hvetja nemendur, foreldra og starfsmenn skóla til að ganga, hjóla, fara á línuskautum eða á annan virkan hátt til og frá skóla.