Rannung - Rannsóknarstofa í menntunarfræðum ungra barna stendur fyrir morgunverðarfundi um réttindi barna og lýðræði í leikskóla 1.febrúar 2012 frá kl. 8:30 til kl. 11. Fundurinn verður haldinn á Grand Hóteli Reykjavík.

Innanríkisráðuneyti, Lagadeild Háskóla Íslands og Rannsóknastofnun Ármanns Snævarr um fjölskyldumálefni efna í samvinnu við Evrópuráðið til ráðstefnu um meðferð kynferðisbrota í réttarvörslukerfinu þann 20. janúar. Málstofan fer fram í Skriðu, Menntavísindasviði Háskóla Íslands við Stakkahlíð í Reykjavík og stendur frá klukkan 10 til 18.

Mennta og menningarmálamálaráðuneyti auglýsir eftir umsóknum um styrki úr Æskulýðssjóði. Við úthlutun úr Æskulýðssjóði fyrir árið 2012 verður lögð áhersla á umsóknir frá æskulýðsfélögum og æskulýðssamtökum um verkefni er vinna gegn einelti, fræðslu um mannréttindi, þjálfun þeirra er vinna með börnum og ungmennum í félagsstarfi og á samstarfsverkefni æskulýðsfélaga og æskulýðssamtaka.

Þroskaþjálfafélag íslands stendur fyrir áhugaverðu málþingi dagana 26. og 27. janúar á Grand Hótel Reykjavík. Yfirskriftin er Er barnalýðræði á Íslandi? Í kjölfar málþingsins verður svo haldin ráðstefnan Velferð á óvissutímum.

Umboðsmaður Alþingis hefur komist að þeirri niðurstöðu, að regla sem menntamálaráðherra ákvað að yrði fylgt við innritun nemenda í framhaldsskóla á skólaárinu 2010/2011 hefði ekki haft lagastoð.