Barnaþing
Barnaþing var haldið 20. og 21. nóvember 2025. Þetta er í fjórða sinn sem þingið er haldið. Um 140 börn voru skráð á þingið af öllu landinu.
Líkt og fyrir fyrri barnaþing gafst barnaþingmönnum kostur á að heimsækja Alþingi eftir hádegi fimmtudaginn 20. nóvember en sá dagur var jafnframt alþjóðlegur dagur barna.
Þann 21. nóvember var þjóðfundur barna haldinn í Silfurbergi, Hörpu. Börnin unnu á borðum að tillögum til þess að bæta samfélagið fyrir börn og ræða málefni sem brenna á börnum. Eftir hádegi komu fullorðnir og tóku þátt í umræðum með börnunum, þ.á.m. ráðherrar og þingmenn. Niðurstöður barnaþings verða kynntar ríkisstjórninni sem mikilvægt framlag til stefnumótunar um málefni barna.
Hér fyrir neðan má sjá myndband frá barnaþingi 2025:
Um barnaþing
Skýrslur barnaþings
Ljósmyndir frá heimsókn barnaþingmanna í Alþingishúsið 2025
Ljósmyndir frá barnaþingi 2025
Snarteikningar frá barnaþingi 2025
Þegar börn eru kölluð til samráðs skiptir miklu að búið sé svo um hnútana að þau geti raunverulega sagt það sem þeim finnst, að hlustað sé á skoðanir þeirra og tekið mark á þeim.
Þátttaka barna
Börn eru valin á barnaþing með slembivali með úrtaki úr Þjóðskrá til að tryggja þátttöku fjölbreytts hóps barna frá öllu landinu. Hér er hægt að finna svör við helstu spurningum um þátttöku á þinginu.
Borðstjórar
Umboðsmaður barna leitar eftir borðstjórum á aldrinum 18 - 30 ára til að halda utan um hópastarf á þjóðfundinum sjálfum sem verður 21. nóvember. Borðstjórar fá fræðslu og þjálfun fyrir barnaþingið. Aðilar innan félagasamtaka, félagsmiðstöðva, ungmennaráða og aðrir sem starfa með börnum eða málefnum tengdum þeim eru sérstaklega hvattir til að senda inn umsókn.
Hægt er að skrá sig hér:
Þátttaka fullorðna
Embættinu ber að boða fjölbreyttan hóp barna til þingsins, alþingismenn, fulltrúa stofnana ríkis og sveitarfélaga, auk fulltrúa vinnumarkaðarins og frjálsra félagasamtaka sem koma að málefnum barna.
Information in english
The Children's Forum - information in english
