Fréttir: september 2019

Fyrirsagnalisti

18. september 2019 : Vegna umfjöllunar um rafrettur – börn njóti besta mögulega heilsufars

Í tilefni umræðu um mögulega skaðsemi rafrettna leggur umboðsmaður barna áherslu á að börn njóti vafans og gripið sé til ráðstafana til að koma í veg fyrir mögulegt heilsutjón af völdum rafretta. Í umsögn umboðsmanns barna við frumvarpið sem varð að lögum í vor benti umboðsmaður m.a. á að ekki lægju fyrir upplýsingar um áhrif notkunar rafrettna til lengri tíma hvorki fyrir notandann né aðra. Því væri mikilvægt að vernda börn fyrir hugsanlegum skaðlegum afleiðingum slíkrar notkunar með því að láta sömu takmarkanir sem ná yfir tóbaksreykingar ná yfir notkun rafrettna. Með því væri allur vafi metinn börnum í hag líkt og 3. gr. Barnasáttmálans, sbr. lög nr. 19/2013 gerir kröfu um. Þá taldi umboðsmaður enn fremur mikilvægt að efla forvarnir til að koma í veg fyrir notkun rafrettna meðal barna og ungmenna.

17. september 2019 : Náum áttum morgunverðarfundur 25. september

Næsti morgunverðarfundur verður miðvikudaginn 25. september á Grand hótel. Að þessu sinni verður umræðuefnið "Heilsa og velferð barna og unglinga".

13. september 2019 : Skyldur ríkja til að gera ráðstafanir til að ákvæði Barnasáttmálans séu uppfyllt

Í tilefni þrjátíu ára afmælis Barnasáttmálans, nú á árinu 2019, hafa Barnaheill, Unicef og umboðsmaður barna tekið höndum saman um að gera einstökum þáttum Barnasáttmálans skil með mánaðarlegum greinaskrifum. Við greinaskrifin er stuðst við almennar athugasemdir eða leiðbeiningar Barnaréttarnefndar Sameinuðu þjóðanna.

9. september 2019 : Umboðsmaður barna á LÝSU – rokkhátíð lýðræðisins

Umboðsmaður barna hélt erindi á LÝSU s.l. laugardag, 7. september, í samstarfi við frístunda- og forvarnardeild Akureyrarbæjar. Rætt var um þátttöku barna í stefnumótun stjórnvalda, hvernig ríki og sveitarfélög haga samráði við börn og hvað mætti betur fara. Miklar umræður sköpuðust en samhljómur var í salnum um mikilvægi þess að finna lausnir og skapa betri farveg fyrir börn til að koma skoðunum sínum á framfæri.

6. september 2019 : Umboðsmaður barna afhendir forsætisráðherra ársskýrslu 2018

Salvör Nordal, umboðsmaður barna, afhenti Katrínu Jakobsdóttur, forsætisráðherra, skýrslu umboðsmanns barna 2018 í morgun.

2. september 2019 : Tillögur til að bregðast við skólaforðun

Tillögur umboðsmanns barna um fimm punkta áætlun til að bregaðst við skólaforðun. Bréf sent til mennta- og menningarmálaráðuneytisins.


Hafðu samband

Póstlisti


Þetta vefsvæði byggir á Eplica