Að njóta foreldrahlutverksins enn betur; gagn og gaman fyrir foreldra leikskólabarna er yfirskrift á fyrirlestri Ólafs Grétars Gunnarssonar fjölskylduráðgjafa í fyrirlestrasal VR í hádeginu fimmtudaginn 21. febrúar milli kl. 12 og 13.

Allsherjarnefnd Alþingis óskaði eftir umsögn umboðsmanns barna um frumvarp til laga um breytingu á almennum hegningarlögum, nr. 19/1940, með síðari breytingum, mál nr. 192. Umsögn sína veitti umboðsmaður barna í bréfi dags. 14. febrúar 2008.

Allsherjarnefnd Alþingis óskaði eftir umsögn umboðsmanns barna um frumvarp til laga um nálgunarbann, heildarlög, mál nr. 294.  Umsögn sína veitti umboðsmaður barna með bréfi dags. 14. febrúar 2008.    

Félags- og tryggingamálaráðuneytið og samstarfsnefnd ráðuneyta um framkvæmd aðgerðaáætlunar í málefnum barna efna til ráðstefnu 17. mars nk. Tilgangurinn er að kynna ólíkar aðferðir til að efla foreldrafærni.

Málstofa um barnavernd verður haldin í Barnaverndarstofu, Höfðaborg, mánudaginn 25. febrúar kl. 12.15 - 13.15. Yfirskriftin er „Fjölskyldubrúin“ þegar foreldrar glíma við geðræna erfiðleika,forvarnarstuðningur með áherslu á þarfir barnanna.

Í tilefni af alþjóðlega netöryggisdeginum, þriðjudaginn 12. febrúar 2008, stendur SAFT, vakningarverkefni um jákvæða og örugga netnotkun barna og unglinga á Netinu og tengdum miðlum, fyrir opnu málþingi undir yfirskriftinni “Þú ert það sem þú gerir á Netinu”.

Mánudaginn 10. febrúar heimsótti umboðsmaður barna og starfsfólk hans Reykjanesbæ þar sem hann kynnti sér aðstöðu og mótttöku hælisleitenda.

Umhyggja, félag til stuðnings langveikum börnum hefur gefið út bókina Bræður og systur. Ráð og sögur handa systkinum barna með sérþarfir eða alvarlega sjúkdóma.

Dagur leikskólans hefur verið ákveðinn 6. febrúar ár hvert. Leikskóladagurinn er þörf áminning til okkar allra um að kynna okkur starfsemi leikskóla og leikinn sem námsleið og markmið. Leikskóladagurinn er dagur þess fólks sem helgar börnum starf sitt, visku sína og alúð. Markmið með degi leikskólans er einnig að beina athygli þjóðarinnar að stöðu leikskólans, gildi hans fyrir menningu og þjóðarauð.