Upplýsingar um bið eftir þjónustu

Umboðsmaður barna birtir nú í tíunda sinn upplýsingar um bið barna eftir þjónustu.

Löng bið eftir þjónustu við börn hefur verið viðvarandi vandamál til margra ára. Með það að markmiði að varpa ljósi á raunverulega stöðu barna hefur umboðsmaður barna, frá því í desember 2021, staðið fyrir reglulegri upplýsingaöflun um þann fjölda barna sem bíður eftir þjónustu hjá tilteknum aðilum.

Samstarfsaðilar verkefnisins eru Barna- og fjölskyldustofa, Lögreglan á höfuðborgarsvæðinu, Geðheilsumiðstöð barna, Ráðgjafar- og greiningarstöð, Barna- og unglingageðdeild LSH, Sýslumaðurinn á höfuðborgarsvæðinu, Heilsugæsla höfuðborgarsvæðisins, Heilsuskóli Barnaspítalans og Heyrnar- og talmeinastöð Íslands. Þar að auki birtir embættið nú í fyrsta skipti upplýsingar um bið eftir sálfræðiþjónustu hjá heilbrigðisstofnunum á landsbyggðinni. Það eru heilbrigðisstofnanir Norðurlands, Suðurlands, Vesturlands, Suðurnesja, Austurlands og Vestfjarða.

Umboðsmaður barna starfar samkvæmt lögum um umboðsmann barna nr. 83/1994 og hefur það hlutverk að standa vörð um hagsmuni, þarfir og réttindi barna. Liður í því er að afla og miðla gögnum og upplýsingum um aðstæður barna og stöðu tiltekinna hópa barna hverju sinni í samvinnu við ýmsa aðila. Hluti af þeirri vinnu er að gera aðgengilegar á einum stað upplýsingar um þann fjölda barna sem bíður eftir tiltekinni þjónustu hverju sinni. Upplýsingarnar eru uppfærðar á sex mánaða fresti til að fylgjast með þróuninni.

Það er von umboðsmanns barna að birting þessara upplýsinga muni varpa ljósi á raunverulega stöðu barna í íslensku samfélagi og verði stjórnvöldum hvatning til aðgerða og úrbóta. Söfnun og birting upplýsinganna er jafnframt liður í því hlutverki umboðsmanns að stuðla að frekari innleiðingu Barnasáttmálans.

Skýrsla um samanburð á milli ára - útgefin 26. febrúar 2024.

Bið eftir þjónustu

Tölur uppfærðar 23.09.2026. 

Barna- og fjölskyldustofa (áður barnaverndarstofa)

Tölur frá 31.08.2026	Fjöldi barna	Meðalbiðtími (dagar)	Fjöldi barna sem hafa beðið lengur en 3 mánuði
Stuðlar, meðferðardeild1	0	0	0
Stuðlar, neyðarvistum2	0	0	0
MST3	14	56	0
Styrkt fóstur4	2	10,5	0
Lækjarbakki5	0	0	0
Bjargey6	0	0	0
SÓK7	0	0	0
Esja8	0	0	0

¹ Ath. Greiningar- og meðferðarvistun / grunnmeðferð fer nú fram á meðferðarheimilinu Esju. Meðferðardeild Stuðla var lokað vegna viðhalds 15. maí 2026.

² Á tímabilinu hefur ekki þurft að vísa barni frá neyðarvistun vegna plássleysis. En upp hafa komið aðstæður þar sem aðeins öryggisherbergið hefur verið laust. Barnaverndarþjónustunni hefur þá verið tilkynnt það og hún endurmetið vistunarbeiðnina með tilliti til þess.

³ Miðað er við tímann frá því að umsókn berst Barna- og fjölskyldustofu. Meðalbiðtími í málum sem hófu meðferð frá 01.09.2025 til 31.08.2026 var 57 dagar. Af þeim 96 málum sem hófu meðferð á tímabilinu biðu 16 börn lengur en þrjá mánuði eftir þjónustu. Vert er að nefna að biðtími getur lengst í sumum málum, til dæmis þegar umsókn berst að vori og meðferð hefst ekki fyrr en að hausti. Slíkt á sérstaklega við ef skólavandi er mikill og í samráði við fjölskylduna er talið heppilegra að hefja meðferðina við upphaf skólaárs. Umsóknir sem berast að vori geta því þurft að bíða lengur. Í öðrum tilvikum getur lengd biðtíma stafað af aðstæðum hjá fjölskyldum. Þá getur barnaverndarþjónusta eða fjölskyldan sjálf óskar eftir því að beðið sé með að meðferð hefjist. Þegar umsókn berst um MST fara teymisstjórar ásamt starfsmanni barnaverndarþjónustu í heimsókn til fjölskyldunnar til að kynna MST og meta nánar vanda barnsins út frá viðmiðum MST úrræðisins. Tíminn frá því umsókn berst og er samþykkt er að meðaltali 24 dagar. Í MST starfa þrjú teymi með fjóra meðferðaraðila hvert. Teymin gátu haft um 48-60 mál í meðferð hverju sinni, fyrir utan sumarleyfistímann. Á seinni hluta ársins 2025 var gerð breyting á fjölda mála á hvern meðferðaraðila og geta teymin nú haft mest 48 mál í meðferð á hverjum tíma.

⁴ Síðastliðið ár, 01.09.2025 til 31.08.2026 bárust alls 27 umsóknir um styrkt fóstur, þar af voru 16 samþykktar, 7 synjað, 1 umsókn var ekki tekin fyrir þar sem tilskilin gögn bárust ekki, 1 umsókn var dregin til baka og 2 umsóknir eru á bið þar sem börn eru í annarskonar vistun sem stendur. Á tímabilinu hefur meðalbiðtími mála frá umsókn þar til barn fer á fósturheimili verið 63 dagar frá því að umsókn er samþykkt og spannaði frá 4 og upp í 175 daga. Miðgildi er 52. Mikilvægt er að árétta að ekki er um eiginlega biðlista að ræða í fóstri þegar um sérstaka umönnun og þjálfun (styrkt fóstur) er að ræða. Ferlið fer þannig fram að þegar barnaverndarþjónusta sækir um styrkt fóstur þarf Fósturteymi Barna- og fjölskyldustofu að taka afstöðu til umsóknarinnar, að því gefnu að öll nauðsynleg fylgigögn hafi borist. Afstaða er allajafna tekin að hámarki einni viku eftir að umsókn er móttekin og hefst þá strax vinna við að finna fósturheimili sem hentar þörfum barnsins. Börn á bið eftir heimili 31.08.2026 eru 2, annað þeirra hefur beðið í 4 daga og hitt í 17 daga.

⁵ Lækjarbakki, sem sinnir framhaldsmeðferð fyrir stráka og stálp, hóf starfsemi á ný í byrjun mars í ár. Frá því opnun hafa 5 drengir vistast á Lækjarbakka og bið þeirra eftir meðferð eftir samþykki umsóknar var að meðaltali 21 dagur.

⁶  Bjargey sinnir framhaldsmeðferð fyrir stelpur og stálp. Á tímabilinu 01.02.26 til 31.08.26 voru 6 umsóknir samþykktar. Eftir samþykki umsóknar var meðalbiðtími eftir innskrift 7 dagar.

⁷ Sálfræðiþjónusta vegna óviðeigandi kynhegðunar (SÓK) er úrræði Barna- og fjölskyldustofu fyrir börn allt að 18 ára aldri sem sýna óviðeigandi eða skaðlega kynhegðun. Þjónustan er í höndum teymis sálfræðinga sem sérhæfa sig á þessu sviði og hafa náið samstarf sín á milli. Á tímabilinu 01.09.2026 til 31.08.2026 hófu 9 börn SÓK-meðferð. Frá því að fullbúin umsókn lá fyrir og þar til að barn fór í fyrsta viðtal liðu að jafnaði 33 dagar. Á umræddu tímabili hófu 9 börn SÓK-meðferð. Frá því að fullbúin umsókn lá fyrir og þar til að barn fór í fyrsta viðtal liðu að jafnaði 33 dagar.

⁸ Esja sinnir greiningu og grunnmeðferð fyrir öll kyn. Á tímabilinu 01.02.2026 til 31.08.2026 voru 11 umsóknir samþykktar. Eftir samþykki umsóknar var meðalbiðtími eftir innskrift var 19 dagar. Esja hét áður Blönduhlíð, í lok síðasta árs var tekin ákvörðun um að breyta nafninu á meðferðarheimilinu þar sem það þótti ruglingslegt að meðferðarheimili og stuðningsheimili bar sama nafnið.

Barnahús

Tölur frá 31.08.2026	Fjöldi barna	Meðalbiðtími (dagar)	Fjöldi barna sem hafa beðið lengur en 3 mánuði
Skýrslutaka*	-	-	-
Könnunarviðtal**	-	1 - 14	-
Meðferð***	-	-	-
Flokkur 1	10	34,6	0
Flokkur 2	1	20	0
FM-HAM****	4	119,75	3

Tímabilið 01.09.2025- 31.08.2026	Fjöldi barna	Meðalbiðtími (dagar)	Fjöldi barna sem hafa beðið lengur en 3 mánuði
Skýrslutaka*	-	-	-
Könnunarviðtal**	-	1-14	-
Meðferð***	-	-	-
Flokkur 1	86	86	31
Flokkur 2	25	93,9	13
FM-HAM****	21 (að auki 14 foreldrar)	89	9

 

* Þegar beiðni um skýrslutöku berst frá héraðsdómi er strax bókaður tími sem hentar.

** Tilvísanir eru teknar fyrir vikulega og í kjölfarið haft samband við barnaverndarþjónustu og bókaður tími. Bið í könnunarviðtal er í mesta lagi 2-3 vikur. 

*** Brotin eru flokkuð eftir alvarleika, frá 1-2.

****FM-HAM er meðferðarúrræði á vegum Barnahúss fyrir fjölskyldur þar sem hætta er á að börn eða unglingar séu beitt ofbeldi. FM-HAM sameinar einstaklingsmeðferð, uppeldisráðgjöf og fjölskyldumeðferð.

• Upplýsingar um Barnahús.

Nánari upplýsingar um Barna- og fjölskyldustofu.

Lögreglan á höfuðborgarsvæðinu

Meðfylgjandi eru uppfærðar tölur um fjölda ólögráða brotaþola annars vegar og ólögráða sakborninga hins vegar í kynferðismálum og svo ofbeldisbrotum hjá Lögreglunni á höfuðborgarsvæðinu. Miðað er við aldur ungmennanna þegar brotið var kært/tilkynnt til lögreglu. Hver einstaklingur er talinn einu sinni á hverju ári, þó svo að hann sé skráður í fleiri en eitt mál á árinu. Samanburður áranna 2015-2025 (heil ár). Rétt er að taka það fram að tölurnar eru bráðabirgðatölur þ.e. byggjast ekki á hreinsuðum gögnum. Þær byggjast á gögnum sem fást úr lögreglukerfinu og eru „lifandi“ þ.e. tölur geta breyst aftur í tímann t.d. þegar verið er að tilkynna um eldri brot.

Sakborningar - ólögráða

	2026*	2025	2024	2023	2022	2021	2020	2019
Kynferðisbrot	11	29	27	13	19	20	21	20
Ofbeldisbrot	103	203	150	120	128	115	100	94

* tölurnar ná yfir fyrstu 6 mánuði ársins 2026

 

Brotaþolar - ólögráða

	2026*	2025	2024	2023	2022	2021	2020	2019
Kynferðisbrot	44	99	83	73	94	160	67	91
Ofbeldisbrot	137	233	159	133	123	140	112	104

* tölurnar ná yfir fyrstu 6 mánuði ársins 2026

Vefsíða lögreglunnar á höfuðborgarsvæðinu.

Geðheilsumiðstöð barna (áður Þroska- og hegðunarstöð) 

GMB teymi - tölur frá 01.09.2026	Fjöldi barna	Meðalbiðtími í mánuðum	Börn sem hafa beðið í 3+ mánuði
Athugun vegna gruns um ADHD og athugun vegna gruns um ADHD og einhverfu	1838	30,7 mánuðir	1720
Athugun vegna gruns um einhverfu	868	38,3 mánuðir	821
Mat og ráðgjöf læknis	21	3,3 mánuðir	3
Ráðgjafar- og meðferðarteymi	43	3,7 mánuðir	31
Fjölskylduteymi 0-5 ára	30	6,5 mánuðir	16
Heildarfjöldi á biðlista	2705		2591

 

Ath: Barn getur verið á bið í fleiru en einu teymi og því er samanlagður fjöldi beiðna í teymum hærri en heildarfjöldi barna á bið. Biðtími er breytilegur eftir umfangi beiðna og nýlega voru biðlista upplýsingar uppfærðar sem sýna meðalbiðtíma.

Nánari upplýsingar um Geðheilsumiðstöð barna.

Ráðgjafar- og greiningarstöð

Ágúst 2026	Fjöldi barna á bið eftir þverfaglegri greiningu	Meðalbiðtími (mánuðir)	Fjöldi barna sem hafa beðið lengur en 3 mánuði
Börn á leikskólaaldri	455	33,1	388
Börn í grunn- og framhaldsskólum	319	23	309

Ráðgjafarsvið: 

20 börn á aldrinum 4 til 14 ára eru á bið eftir ráðgjöf, þar af hafa 12 börn beðið lengur en 3 mánuði.

Nánari upplýsingar um Ráðgjafar- og greiningarstöð.

Barna- og unglingageðdeild LSH (BUGL)

Ágúst 2026	Fjöldi barna	Meðalbiðtími - mánuðir	Fjöldi barna sem hafa beðið lengur en 3 mánuði
Göngudeild BUGL	42	3	31
Þar af transteymi BUGL	x	x	x
Átröskunarteymi BUGL	4	2	0

BUGL veitir börnum og unglingum með geð- og þroskaraskanir margvíslega þjónustu.

Sýslumaðurinn á höfuðborgarsvæðinu

Mál er varða hag barna, barn ekki aðili máls.

Tölur uppfærðar 23. september 2026

Á fjölskyldusviði Sýslumannsins á höfuðborgarsvæðinu (SMH) eru m.a. meðhöndluð erindi foreldra er varða framfærslu barna, umgengni, sambúðarslit, skilnað, skipta búsetu, forsjá, lögheimili eða utanlandsferð. Við meðferð þessara mála kann að reyna á sáttameðferð, ráðgjöf og fleiri úrræði samkvæmt barnalögum. Þá eru hjá SMH meðhöndluð mál á grundvelli ættleiðingarlaga og lögræðislega. Börnin sjálf eru ekki aðilar þessara mála, í merkingu stjórnsýslunnar, en málin varða hagsmuni þeirra. 

Yfirlit yfir mál hjá SMH á grundvelli barnalaga eða hjúskaparlaga, sem hafa stofnast en bíða meðferðar, þar sem aðilar máls eiga barn eða börn sem erindi foreldra varðar eru eftirfarandi:

 

	Fjöldi mála er bíður meðferðar	Fjöldi barna	Meðalbiðtími í mánuðum	Fjöldi barna sem hafa beðið lengur en 3 mánuði
Mál SMH á grundvelli barnalaga og hjúskaparlaga	276	340	*	130
Mál SMH á grundvelli ættleiðingarlaga	5**	5	4,7***	3
Mál SMH á grundvelli lögræðislaga	30	30	****	16
Sáttameðferð (allir sýslumenn)	199	318	5*****	73
Önnur mál sérfræðinga skv. barnalögum (allir sýslumenn)	5	5	0,25******	0

Bið barna eftir þjónustu:

*Ómögulegt er að veita svör um meðalbiðtíma þar sem biðtími mála er mjög misjafn, m.a. eftir málategundum. Þannig eru sum mál tekin til afgreiðslu innan nokkurra daga en önnur þurfa að bíða. Það mál sem hefur beðið lengst var móttekið hjá embættinu þann 12. mars 2026.

**Hér eru einungis taldar beiðnir ættleiðingar á tilgreindum börnum, þ.e. einstaklinga sem ekki hafa náð 18 ára aldri. Ekki eru talin mál sem varða ótilgreind börn eða stjúpættleiðingar fullorðinna.

***Meðaltími sem málin hafa þegar beðið. Elsta málið hefur beðið í tólf mánuði. Þess má vænta að málin komi öll til afgreiðslu fljótlega, þannig að meðalbiðtími þeirra verði sá sem er tilgreindur.

****Ekkert verður fullyrt um meðalbiðtíma þessara mála þar sem þeim er forgangsraðað þannig að þau mál sem ekki þola bið fá afgreiðslu fljótlega frá því að beiðni berst.

*****Erfitt er að fullyrða um meðalbiðtíma þar sem fjöldi mála fá forgang, s.s. dagsektarmál, aðfararmál o.fl. Uppgefinn biðtími tekur því einungis til þeirra mála sem ekki fá forgang og greinir frá lengsta biðtíma í dag.

 ******Erfitt að fullyrða um meðalbiðtíma, þar sem fjöldi mála fá forgang, s.s. eftirlit með umgengni o.fl. Uppgefinn biðtími tekur því einungis til þeirra mála sem hafa þurft að bíða afgreiðslu.

• Samkvæmt 46. gr. b barnalaga 76/2003 ber sýslumanni að bregðast við ef barn missir foreldri sitt. Ber sýslumanni að kanna tengsl barns við vandamenn, veita barni og forsjáraðila tækifæri til að mæta á fund sýslumanns og veita leiðbeiningar um umgengnisrétt. Mál á grundvelli 46. gr. b sem bíða meðferðar hjá SMH eru hér að neðan. Boðið er upp á viðtal þegar fjórir mánuðir eru liðnir frá andláti foreldris og eru mál á bið talin þau sem lengri tími er liðinn án þess að þjónusta hafi verið boðin.

• Samkvæmt 74. gr. barnalaga 76/2003 getur sýslumaður óskað eftir því við sérfræðing að taka viðtal við barn og gera um það skýrslu. Fjöldi slíkra beiðna og staða mála á bið eru hér að neðan. Það skal tekið fram að hér er um að ræða mál alls landsins. Biðtími er talinn frá því að mál stofnast og þar til það er tekið til meðferðar.

• Samkvæmt 33. gr. b barnalaga 76/2003 getur barn óskað þess að sýslumaður bjóði foreldrum samtal um fyrirkomulag forsjár, lögheimlis búsetu og umgengni. Biðtími er talinn frá því að mál stofnast og þar til það er tekið til meðferðar

	Fjöldi mála er bíður meðferðar	Fjöldi barna	Meðalbiðtími í mánuðum	Fjöldi barna sem hafa beðið lengur en 3 mánuði
Mál skv. 46. gr. b. barna-laga	0	0	0	0
Viðtal við barn skv. 74. gr. barnalaga (a	2	2	0,25	0
Samtal að frumkvæði barns, 33. gr. barnalaga	0	0	0	0

• Vefsíða sýslumannsins á höfuðborgarsvæðinu.

Heilsugæslan 

Höfuðborgarsvæðið

Bið eftir þjónustu sálfræðinga hjá heilsugæslustöðvum höfuðborgarsvæðisins.

27. ágúst 2026	Fjöldi barna	Meðalbiðtími, dagar	Fjöldi barna sem hafa beðið lengur en 3 mánuði
Börn sem bíða eftir þjónustu sálfræðinga	153	118	84

Landsbyggðin

Bið eftir þjónustu sálfræðinga hjá heilsugæslustöðvum landsbyggðarinnar.

Heilbrigðisstofnun Norðurlands

	Fjöldi barna	Meðalbiðtími, dagar	Fjöldi barna sem hafa beðið lengur en 3 mánuði
Börn sem bíða eftir þjónustu sálfræðinga	206	428 (14 mánuðir)	165

Heilbrigðisstofnun Suðurlands

	Fjöldi barna	Meðalbiðtími, dagar	Fjöldi barna sem hafa beðið lengur en 3 mánuði
Börn sem bíða eftir þjónustu sálfræðinga	102	165	72

* HSU: vert er að taka fram að tölur miða við bið frá tilvísun og þar til meðferð hefst en matsviðtal er veitt innan mánaðar (þar fæst niðurstaða varðandi vanda, val á meðferð og ráðgjöf). Biðtími er einnig breytilegur eftir svæðum og meðferðarformi (lengst er bið eftir einstaklings meðferð en styttri í hópmeðferð og flikk).

 

Heilbrigðisstofnun Vesturlands

 

	Fjöldi barna	Meðalbiðtími, dagar	Fjöldi barna sem hafa beðið lengur en 3 mánuði
Börn sem bíða eftir þjónustu sálfræðinga	0	7	0

 

 

Heilbrigðisstofnun Suðurnesja

 

	Fjöldi darna	Meðalbiðtími, dagar	Fjöldi barna sem hafa beðið lengur en 3 mánuði
Börn sem bíða eftir þjónustu sálfræðinga	19	90	4

 

 

Heilbrigðisstofnun Austurlands

	Fjöldi daga	Meðalbiðtími, dagar	Fjöldi barna sem hafa beðið lengur en 3 mánuði
Börn sem bíða eftir þjónustu sálfræðinga	12	185 (6 mánuðir)	9

 

Heilbrigðisstofnun Vestfjarða

	Fjöldi daga	Meðalbiðtími, dagar	Fjöldi barna sem hafa beðið lengur en 3 mánuði
Börn sem bíða eftir þjónustu sálfræðinga	3	18	0

Heilsuskóli Barnaspítala Hringsins

Ágúst 2026	Fjöldi barna	Meðalbiðtími, mánuðir	Fjöldi barna sem hafa beðið lengur en 3 mánuði
Börn í bið eftir þjónustu Heilsuskólans	48	6,5	27

Í Heilsuskólanum er fjölskyldum kenndar aðferðir til að takast á við þyngdarstjórnun og viðhalda breytingum ásamt því að bæta lífsgæði til lengri tíma (upplýsingar teknar frá vefsíðu Heilsuskólans).

Heyrnar- og talmeinastöð Íslands - HTÍ

Uppfært 18.02.2026

Staða biðlista fyrir börn 10.12.2025
	Heildarfjöldi barna	Bið yfir 3 mánuði	Bið undir 3 mánuði
Heyrnamæling barna yngri en 4 ára	82	N/A
Heyrnamæling barna eldri en 4 ára	21	N/A
Heyrnamæling og læknisskoðun barna v. tilvísun heilbri.starfs.	65	29	36
Heyrnamæling og læknisskoðun barna v. sjálf/annað	7	3	4
Talmeinasvið***	73

 

Árlegar innkallanir heyrnaskertra barna**	Innköllun
Forskólabörn (2020-2025) árleg innköllun og/eða eftir þörfum	28
Grunnskólabörn (2010-2019) árleg innköllun og/eða eftir þörfum	139
Eldri börn (2008-2009) innnk. 1 til 2ja ára fresti og/eða eftir þörfum	37

 

Heyrnar- og talmeinastöð Íslands

Talmeinafræðingar

Uppfært 18.02.2026 

Sjúkratryggingar Íslands gerðu úttekt á stöðu barna sem biðu eftir þjónustu talmeinafræðinga í desember 2021 en þá var 3.701 barn skráð á biðlista, þar af voru 947 börn skráð á fleiri en einum stað. Flest börn á biðlistum höfðu beðið í 0 – 6 mánuði (eða um 30%) en um 11% höfðu beðið lengur en 2 ár. Í skýrslu starfshóps heilbrigðisráðuneytisins um þjónustu talmeinafræðinga við börn frá júní 2025 kemur fram að í lok árs 2024 hafi 4.865 börn beðið eftir annars stigs talmeinaþjónustu sem samsvari rúmlega 30% aukningu frá 2021. Að mati umboðsmanns barna ber stjórnvöldum að grípa til aðgerða með það að markmiði að koma í veg fyrir að börn þurfi að bíða eftir þjónustu talmeinafræðinga. Þar til því markmiði verður náð ber stjórnvöldum að sjá til þess að hægt sé að nálgast upplýsingar með reglubundnum hætti um það hversu mörg börn séu á biðlistum eftir þessari þjónustu. Slík upplýsingaöflun er grundvallarforsenda þess að hægt sé að leggja mat á stöðuna hverju sinni og grípa til viðeigandi aðgerða. Umboðsmaður barna fagnar því að í aðgerðaáætlun um bætta þjónustu talmeinafræðinga við börn 2026-2028 sé kveðið á um að koma á miðlægum biðlista eftir sérfræðiþjónustu talmeinafræðinga.

 Dæmi um bið barna eftir þjónustu

Dæmi voru uppfærð í september 2025

 

Dæmi um barn sem bíður eftir frumgreiningu vegna gruns um ADHD hjá Austurmiðstöð

Árið 2023 var Anna 9 ára og í 4. bekk í grunnskóla. Anna var farin að eiga mjög erfitt með að læra og einbeita sér í skólanum. Þessir erfiðleikar voru farnir að hafa mikil áhrif á hennar líðan og sjálfsmynd. Í janúar 2023 var óskað eftir skimun vegna gruns um ADHD. Foreldrar Önnu fengu viðtal vegna skimunar í byrjun mars 2023. Í lok mars 2023 fengu Anna og foreldrar hennar þær upplýsingar að þörf væri á frumgreiningu. Foreldrum Önnu hefur verið tjáð að hún muni ekki komast að í frumgreiningu hjá Austurmiðstöð fyrr en í fyrsta lagi vorið 2026. Þá verður Anna að klára 7. bekk. Ef niðurstaða frumgreiningar verður að Anna þurfi að fara í greiningu mun hún fara á biðlista hjá Geðheilsumiðstöð barna. Í september 2025 var meðalbiðtími hjá Geðheilsumiðstöð vegna gruns um ADHD 12.7 mánuðir. Að óbreyttu mun Anna þess vegna ekki vera komin með greiningu fyrr en í júní 2027. Þá verður Anna að klára 8. bekk. Anna þarf í heildina að bíða í fjögur og hálft ár eftir greiningu vegna gruns um ADHD.

Dæmi um barn sem bíður eftir frumgreiningu vegna gruns um ADHD hjá Suðurmiðstöð

Símon er 5 ára og mun byrja í skóla haustið 2026. Hann á erfitt með að halda athygli, fylgja fyrirmælum og truflast auðveldlega af utanaðkomandi áreiti. Fagaðilar hafa mælt með að hann fari í greiningu en Símon hefur verið í talþjálfun, sjúkraþjálfun og iðjuþjálfun. Foreldrar hans hafa fengið þær upplýsingar að bið eftir greiningu vegna gruns um ADHD hjá Suðurmiðstöð séu 16 mánuðir. Þegar frumgreining liggur fyrir tekur við bið hjá Geðheilsumiðstöð barna og foreldrar Símonar hafa fengið þær upplýsingar að hann muni þurfa að bíða í 24 mánuði eftir greiningu hjá Geðheilsumiðstöð. Þá hefur þeim einnig verið tjáð að ekki sé hægt að vísa beiðni til Geðheilsumiðstöðvar fyrr en hann verði orðinn 7 ára. Að óbreytu má því gera ráð fyrir að Símon þurfi að bíða í um 3,5 ár eftir greiningu á ADHD, þá er viðbúið að biðin verði enn lengri ef beiðni verður ekki send til Geðheilsumiðstöðvar fyrr en hann nær 7 ára aldri.