Úrslit krakkakosninga
Umboðsmaður barna og KrakkaRÚV hafa staðið fyrir forsetakosningum barna undanfarnar vikur og hafa fjölmargir nemendur í grunnskólum landsins kosið sinn forsetaframbjóðanda.
Markmið þessa verkefnis er í anda 12. ofg 13. gr. Barnasáttmálans og gefur börnum tækifæri á að láta skoðanir sínar í ljós á forsetaframbjóðendum. Kynningar á forsetaframbjóðendunum ásamt kynningu á forsetaembættinu sjálfu var aðgengilegt á vefnum krakkaruv.is/krakkakosningar og leitað var eftir aðstoð kennara til að veita börnum þetta tækifæri á að kjósa sinn forsetaframbjóðanda. Þá skiluðu kennarar atkvæðum sinna nemenda rafrænt til KrakkaRÚV sem vann úr þeim niðurstöðum.
Úrslit krakkakosninga verða svo tilkynnt í kosningasjónvarpi RÚV á laugardaginn og hvetjum við alla þá sem hafa tekið þátt sem og aðra að fylgjast vel með.
