Nýir þingmenn fá fræðslu frá embættinu
Í gær, miðvikudaginn 21. mars, bauð umboðsmaður barna nýjum þingmönnum á kynningarfund á skrifstofu embættisins að Kringlunni 1. Tíu þingmenn úr þremur flokkum þáðu boðið. Þetta er í þriðja sinn sem embættið býður nýjum þingmönnum uppá slíka kynningu.
Markmiðið með boðinu var að kynna embættið og þau málefni sem helst brenna á því en umboðsmanni barna ber að vinna að bættum hag barna og standa vörð um hagsmuni, þarfir og réttindi þeirra á öllum sviðum samfélagsins. Lilja Hrönn, fulltrúi úr ráðgjafarhópi umboðsmanns barna kynnti starf hópsins og hvöttu þingmenn til að leita eftir áliti barna áður en ákvarðanir sem hafa áhrif á börn eru teknar.
Til að sáttmálinn geti orðið að veruleika á Íslandi er nauðsynlegt að fræða börn og fullorðna um réttindi barna á markvissan hátt. Auk þess er mikilvægt að tryggja að allir þeir sem bera ábyrgð á börnum á einn eða annan hátt þekki til og skilji hina einstöku sýn á stöðu barna í samfélaginu sem sáttmálinn boðar.
Umboðsmaður leggur ríka áherslu á það að hlusta eftir sjónarmiðum barna og taka tillit til skoðana þeirra og ábendinga enda er það í samræmi við 12. gr. Barnasáttmálans. Umboðsmaður barna hvetur alla þá sem vinna með börnum, fyrir börn eða taka ákvarðanir sem varða börn að huga að þessari skyldu.