Morgunmatur tengist einkunnum
Nemendur sem borða ekki morgunmat fá lélegri einkunnir og eiga frekar á hættu að upplifa sálræn vandamál en þeir sem borða morgunmat. Þetta er niðurstaða rannsóknar sem 7.500 nemendur í tíunda bekk í Noregi tóku þátt í og greint er frá á Forskning.no.
Rannsakendur frá Oslóarháskóla beindu sjónum sínum að áhrifum morgunmatarvenja á árangur í skóla sem og andlega líðan, þ.e. kvíða og þunglyndis. Samkvæmt rannsókninni borða aðeins 55% stkúlknanna og 66% drengjanna morgunmat daglega. Meginniðurstaðan var að það eru sterk tengsl milli þess hversu oft nemenadinn borðar morgunmat og einkunnanna sem hann fær í 10. bekk. Þeir nemendur sem sleppa morgunmat eiga tvöfalt frekar á hættu að fá lélega einkunnir en hinir. Hvað andlega líðan varðar hefur það meiri áhrif á drengi að sleppa morgunmat en stúlkur. Þeir reyndust vera í þrefalt meiri hættu á að upplifa kvíða eða þunglyndi en kynbræður þeirra sem borða morgunmat reglulega.
Sjá frétt á Forskning.no, dags. 13.11.06