Fréttir af starfi Ráðgjafarhópsins
Ráðgjafarhópur umboðsmanns barna, sem í eru börn á aldrinum 12 - 17 ára, hefur tekið þátt í mörgum spennandi verkefnum á þessari önn.
Ráðgjafarhópurinn hefur verið mjög virkur á síðustu mánuðum og tekið þátt í ýmsum verkefnum. Meðal annars tóku þau þátt á evrópskri ráðstefnu um þátttöku barna, rýndu fræðsluefni fyrir sóttvarnalækni og veittu umboðsmanni barna margvíslega ráðgjöf.
Síðasti fundur ráðgjafarhópsins á þessu ári fór fram fyrr í desember og mun hópurinn hittast aftur í byrjun nýs árs.
Við minnum á að hópurinn er opinn öllum börnum á aldrinum 12-17 ára og er hægt að skrá sig í hópinn á hlekknum hér fyrir neðan.