Foreldradagurinn 2012 - Samskipti í samhengi
Heimili og skóli – Landssamtök foreldra munu þann 15. nóvember nk. standa fyrir Foreldradeginum í Öldutúnsskóla í Hafnarfirði. Foreldradagurinn er málþing ætlað foreldrum og hefur það að markmiði að veita þeim hagnýtar upplýsingar sem nýst geta í uppeldi og vekja þá til umhugsunar og umræðu um foreldrahlutverkið. Þema foreldradagsins í ár er samskipti í víðu samhengi og verður tekið á málefnum eins og samskiptum foreldra og barna, samskiptum fjölskyldna við skóla og rafrænum samskiptum.