Fíasól og umboðsmaður barna
Umboðsmaður barna skipar stórt hlutverk í verkinu "Fíasól gefst aldrei upp" sem nú er sýnt í Borgarleikhúsinu.
Við erum afskaplega stolt yfir því hlutverki sem embættið gegnir í verkinu "Fíasól gefst aldrei upp" þar sem hin knáa Fíasól stofnar björgunarsveit sem berst fyrir réttindum barna og er í beinu sambandi við umboðsmann barna.
Við ritun bókarinnar leitaði Kristín Helga, höfundur Fíusólar til embættisins þar sem réttindi barna voru til umræðu. Hér á vefsíðunni má einnig finna alls konar spurningar og svör frá börnum og unglingum sem voru margar hverjar hafðar til hliðsjónar í verkinu.
Sýningar á leikritinu fara nú fram í Borgarleikhúsinu og óskar umboðsmaður barna öllum sem að því koma hjartanlega til hamingju með vel lukkaða sýningu. Fulltrúar í ráðgjafarhóp umboðsmanns barna voru viðstödd lokarennslið fyrir stóra frumsýningardaginn og skemmti sér vel. Við munum fylgjast vel með Fíusól og hennar stórkostlegu afrekum í framtíðinni.
Við viljum fæði, við viljum klæði og húsaskjól. Við viljum næði, við viljum fræði og fleiri jól!
