Barnaverndarþing í september
Barnaverndarstofa stendur fyrir Barnaverndarþingi, ráðstefnu á Hilton Reykjavík Nordica 25. og 26. september n.k., undir yfirskriftinni „Réttur til verndar, virkni og velferðar" sem vísar til barnasáttmála Sameinuðu þjóðanna sem var lögfestur hér á landi á síðasta ári. Ráðstefnan er öllum opin og hefur að markmiði að leiða saman fagstéttir og aðra sem tengjast barnavernd í víðum skilningi.
Aðalfyrirlesarar verða Trond Waage alþjóðlegur sérfræðingur um réttindi barna og fyrrum umboðsmaður barna í Noregi, Bragi Guðbrandsson forstjóri Barnaverndarstofu og nýkjörinn formaður Lanzarote nefndar Evrópuráðsins, Henrik Andershed prófessor í sálfræði við háskólann í Örebro í Svíþjóð og Bernadette Christensen fagstjóri hjá Atferdssenteret i Noregi.
Fjölbreyttar málstofur og umræður um:
- Snemmbæra íhlutun
- Forvarnir og meðferð vegna ofbeldis
- Meðferð hegðunar- og vímuefnavanda
- Börn í fóstri
- Hlutverk og samvinnu stofnana
- Innleiðingu gagnreyndra aðferða
- Mikilvægi vandaðrar málsmeðferðar
Opnað verður fyrir skráningu 15. ágúst n.k. Nánari upplýsingar á www.bvs.is.