20. nóvember helgaður fræðslu um mannréttindi barna
Alþingi hefur samþykkt tillögu um dag helgaðan fræðslu um mannréttindi barna, sem lögð var fram af talsmönnum barna á Alþingi
Alþingi hefur samþykkt tillögu um dag helgaðan fræðslu um mannréttindi barna, sem lögð var fram af talsmönnum barna á Alþingi. Tillöguna í heild sinni má nálgast hér á vef Alþingis.
Umboðsmaður barna telur það afar ánægjulegt að tillagan hafi verið samþykkt. Í henni felst að innanríkisráðherra og mennta- og menningarmálaráðherra skuli beita sér fyrir því að afmælisdagur Barnasáttmála Sameinuðu þjóðanna – 20. nóvember – verði ár hvert helgaður fræðslu um mannréttindi barna í skólum landsins.
Að mati umboðsmanns barna er þetta mikilvægt skref í þá átt að auka vægi mannréttindafræðslu í skólum landsins og vonar hann að þetta leiði til aukinnar þekkingar á réttindum meðal barna, foreldra og starfsfólks skóla.