Upplýsingar um bið eftir þjónustu

Umboðsmaður barna birtir nú í áttunda sinn upplýsingar um bið barna eftir þjónustu.

Löng bið eftir þjónustu við börn hefur verið viðvarandi vandamál til margra ára. Með það að markmiði að varpa ljósi á raunverulega stöðu barna hefur umboðsmaður barna, frá því í desember 2021, staðið fyrir reglulegri upplýsingaöflun um þann fjölda barna sem bíður eftir þjónustu hjá tilteknum aðilum.

Samstarfsaðilar verkefnisins eru Barna- og fjölskyldustofa, lögreglan á höfuðborgarsvæðinu, Geðheilsumiðstöð barna, Ráðgjafar- og greiningarstöð, Barna- og unglingageðdeild LSH, Sýslumaðurinn á höfuðborgarsvæðinu, Heilsugæsla höfuðborgarsvæðisins, Heilsuskóli Barnaspítalans og Heyrnar- og talmeinastöð Íslands. Þar að auki birtir embættið nú í fyrsta skipti upplýsingar um bið eftir sálfræðiþjónustu hjá heilbrigðisstofnunum á landsbyggðinni. Það eru heilbrigðisstofnanir Norðurlands, Suðurlands, Vesturlands, Suðurnesja, Austurlands og Vestfjarða.

Umboðsmaður barna starfar samkvæmt lögum um umboðsmann barna nr. 83/1994 og hefur það hlutverk að standa vörð um hagsmuni, þarfir og réttindi barna. Liður í því er að afla og miðla gögnum og upplýsingum um aðstæður barna og stöðu tiltekinna hópa barna hverju sinni í samvinnu við ýmsa aðila. Hluti af þeirri vinnu er að gera aðgengilegar á einum stað upplýsingar um þann fjölda barna sem bíður eftir tiltekinni þjónustu hverju sinni. Upplýsingarnar eru uppfærðar á sex mánaða fresti til að fylgjast með þróuninni.

Það er von umboðsmanns barna að birting þessara upplýsinga muni varpa ljósi á raunverulega stöðu barna í íslensku samfélagi og verði stjórnvöldum hvatning til aðgerða og úrbóta. Söfnun og birting upplýsinganna er jafnframt liður í því hlutverki umboðsmanns að stuðla að frekari innleiðingu Barnasáttmálans.

Skýrsla um samanburð á milli ára - útgefin 26. febrúar 2024.

Bið eftir þjónustu

Tölur uppfærðar 29.09.2025. 

Barna- og fjölskyldustofa (áður barnaverndarstofa)

Tölur frá 31.01.2026	Fjöldi barna	Meðalbiðtími (dagar)	Fjöldi barna sem hafa beðið lengur en 3 mánuði
Stuðlar, meðferðardeild1	0	0	0
Stuðlar, neyðarvistum2	0	0	0
MST3	9	43,4	0
Styrkt fóstur4	2	42	1
Lækjarbakki5	1	2	0
Bjargey6	0	0	0
SÓK7	0	0	0
Blönduhlíð8	1	2	0

¹ Hlutverk Stuðla hefur tekið breytingum en stofnunin er nú skilgreind sem félagsleg bráðamóttaka ungmenna. Hún veitir börnum neyðarþjónustu sem eru í alvarlegum vanda en sinnir jafnframt þeim sem sæta gæsluvarðhaldi eða eru í afplánun. Gamla meðferðardeildin hefur undanfarna mánuði lagað sig að breyttu hlutverki. Á tímabilinu 01.09.25 til 31.01.26 hefur ekkert barn verið á biðlista.

² Á neyðarvistun voru árið 2025 rými fyrir 4 börn auk tveggja öryggisrýma. Í fáein skipti kom það fyrir að öll rými voru fullnýtt og þurfti þá að vísa beiðnum frá eða þær að bíða þar til herbergi losnaði. 

³ Miðað er við frá því umsókn berst Barna- og fjölskyldustofu. Meðalbiðtími í málum sem hófu meðferð frá 1. febrúar 2025 til 31. janúar 2026 var 62,8 dagar. Af þeim 79 málum sem hófu meðferð sem hófu meðferð á tímabilinu biðu 13 börn lengur en þrjá mánuði eftir þjónustu. Vert er að nefna að biðtími getur lengst í sumum málum, til dæmis þegar umsókn berst að vori og meðferð hefst ekki fyrr en að hausti. Slíkt á sérstaklega við ef skólavandi er mikill og í samráði við fjölskylduna er talið heppilegra að hefja meðferðina við upphaf skólaárs. Umsóknir sem berast að vori geta því þurft að bíða lengur. Í öðrum tilvikum getur lengd biðtíma stafað af aðstæðum hjá fjölskyldum. Þá getur barnaverndarþjónusta eða fjölskyldan sjálf óskað eftir því að beðið sé með að meðferð hefjist. Þegar umsókn berst um MST fara teymisstjórar ásamt starfsmanni barnaverndarþjónustu í heimsókn til fjölskyldunnar til að kynna MST og meta nánar vanda barnsins út frá viðmiðum MST úrræðisins. Tíminn frá því umsókn berst og er samþykkt er að meðaltali 21,03 dagar. Í MST starfa þrjú teymi með fjóra meðferðaraðila hvert. Teymin gátu haft um 48-60 mál í meðferð hverju sinni, fyrir utan sumarleyfistímann. Á seinni hluta ársins 2025 var gerð breyting á fjölda mála á hvern meðferðaraðila og geta teymin nú haft mest 48 mál í meðferð á hverjum tíma.

⁴ Síðastliðið árið, 01.02.2025 til 31.01.2026, bárust alls 36 umsóknir um styrkt fóstur, þar af voru 25 umsóknir samþykktar, 10 synjað og enn á eftir að taka fyrir eina umsókn þar sem tilskilin gögn hafa ekki borist. Börn á biðlista eftir fósturheimili eru 2, annað þeirra hefur beðið í 66 daga og hitt í 19. Mikilvægt er að árétta að ekki er um eiginlega biðlista að ræða í styrktu fóstri. Ferlið fer þannig fram að þegar barnaverndarþjónusta sækir um styrkt fóstur þarf Fósturteymi Barna- og fjölskylduteymi að taka afstöðu til umsóknarinnar, að því gefnu að öll nauðsynleg fylgigögn hafi borist. Afstaða er allajafna tekin að hámarki einni viku eftir að umsókn er móttekin og hefst þá strax vinna við að finna fósturheimili sem hentar þörfum barnsins. Á tímabilinu hefur meðalbiðtími mála frá umsókn þar til barn fer á fósturheimili verið 69 dagar frá því að umsókn er samþykkt og spannaði frá 0 og upp í 213 daga. Miðgildi er 5. Fyrir utan styrkta fóstrið er verið að leita að fósturheimilum fyrir 10 börn. Meðalbiðtími þessara barna eru 106 dagar og spannar frá 8 upp í 312 daga. Á tímabilinu bárust alls 80 umsóknir um fósturheimili, 9 voru dregnar til baka. Meðalbiðtími mála frá umsókn þar til barn fer á fósturheimili hefur verið 39 dagar frá því að umsókn berst og spannaði frá 0 og upp í 312 daga. Miðgildi er 11. 

⁵ Áætlað er að Lækjarbakki opni á næstu vikum og kemur það meðferðarheimili til með að sinna framhaldsmeðferð fyrir stráka og stálp. Tvær umsóknir hafa borist í aðdraganada opnunarinnar. Einn drengur hefur þegar hafið meðferð sína á Stuðlum en mun flytjast yfir á Lækjarbakka um leið og húsnæðið þar er tilbúið. Hann beið í 27 daga eftir innskrift. Umsókn fyrir annan dreng var samþykkt þann 29. jan. sl. og hafði hann því beðið í tvo daga þann 31. jan. sl. 

⁶  Bjargey sinnir framhaldsmeðferð fyrir stelpur og stálp. Á tímabilinu 01.09.25 til 31.01.26 bárust tvær umsóknir og voru þær báðar samþykktar. Eftir samþykki umsóknar var meðalbiðtími eftir innskrift 13 dagar.

⁷ Sálfræðiþjónusta vegna óviðeigandi kynhegðunar (SÓK) er úrræði Barna- og fjölskyldustofu fyrir börn allt að 18 ára aldri sem sýna óviðeigandi eða skaðlega kynhegðun. Þjónustan er í höndum teymis sálfræðinga sem sérhæfa sig á þessu sviði og hafa náið samstarf sín á milli. 

⁸Blönduhlíð sinnir greiningu og grunnmeðferð fyrir öll kyn. Á tímabilinu 01.09.25 til 31.01.26 bárust 7 umsóknir og voru þær allar samþykktar. Eftir samþykki umsóknar var meðalbiðtími 6 dagar. 

Barnahús

Tölur frá 31.08.2025	Fjöldi barna	Meðalbiðtími (dagar)	Fjöldi barna sem hafa beðið lengur en 3 mánuði
Skýrslutaka*	-	-	-
Könnunarviðtal**	-	1 - 14	-
Meðferð***	29	120	10
Flokkur 1	11	148	4
Flokkur 2	6	66	0

* Þegar beiðni um skýrslutöku berst frá héraðsdómi er strax bókaður tími sem hentar.

** Tilvísanir eru teknar fyrir vikulega og í kjölfarið haft samband við barnaverndarþjónustu og bókaður tími. Bið í könnunarviðtal er í mesta lagi 2-3 vikur. 

*** Brotin eru flokkuð eftir alvarleika, frá 1-2.

• Upplýsingar um Barnahús.

Nánari upplýsingar um Barna- og fjölskyldustofu.

Lögreglan á höfuðborgarsvæðinu

Meðfylgjandi eru uppfærðar tölur um fjölda ólögráða brotaþola annars vegar og ólögráða sakborninga hins vegar í kynferðismálum og svo ofbeldisbrotum hjá Lögreglunni á höfuðborgarsvæðinu. Miðað er við aldur ungmennanna þegar brotið var kært/tilkynnt til lögreglu. Hver einstaklingur er talinn einu sinni á hverju ári, þó svo að hann sé skráður í fleiri en eitt mál á árinu. Samanburður áranna 2015-2025 (heil ár). Rétt er að taka það fram að tölurnar eru bráðabirgðatölur þ.e. byggjast ekki á hreinsuðum gögnum. Þær byggjast á gögnum sem fást úr lögreglukerfinu og eru „lifandi“ þ.e. tölur geta breyst aftur í tímann t.d. þegar verið er að tilkynna um eldri brot.

Sakborningar - ólögráða

	2025	2024	2023	2022	2021	2020	2019	2018	2017	2016	2015
Kynferðisbrot	29	27	13	19	20	21	20	16	14	17	7
Ofbeldisbrot	176	139	107	116	95	92	84	84	90	61	65

Brotaþolar - ólögráða

	2025	2024	2023	2022	2021	2020	2019	2018	2017	2016	2015
Kynferðisbrot	98	80	74	95	161	68	90	53	46	72	69
Ofbeldisbrot	223	161	135	124	141	108	105	92	106	89	112

Vefsíða lögreglunnar á höfuðborgarsvæðinu.

Geðheilsumiðstöð barna (áður Þroska- og hegðunarstöð) 

GMB teymi - tölur frá 02.02.2026	Fjöldi barna	Meðalbiðtími í mánuðum	Börn sem hafa beðið í 3+ mánuði
Athugun vegna gruns um ADHD og athugun vegna gruns um ADHD og einhverfu	1742	27,2 mánuðir	1248
Athugun vegna gruns um einhverfu	785	36,3 mánuðir	655
Mat og ráðgjöf læknis	46	4 mánuðir	15
Ráðgjafar- og meðferðarteymi	32	3,8 mánuðir	20
Fjölskylduteymi 0-5 ára	46	6 mánuðir	21
Heildarfjöldi á biðlista	2453		1900

Ath: Barn getur verið á bið í fleiru en einu teymi og því er samanlagður fjöldi beiðna í teymum hærri en heildarfjöldi barna á bið. Biðtími er breytilegur eftir umfangi beiðna og nýlega voru biðlista upplýsingar uppfærðar sem sýna meðalbiðtíma.

Nánari upplýsingar um Geðheilsumiðstöð barna.

Ráðgjafar- og greiningarstöð

	Fjöldi barna á bið eftir þverfaglegri greiningu	Meðalbiðtími (mánuðir)	Fjöldi barna sem hafa beðið lengur en 3 mánuði
Börn á leikskólaaldri	406	25,4	373
Börn í grunn- og framhaldsskólum	309	26	271

Ráðgjafarsvið: 

43 börn á aldrinum 4 til 14 ára eru á bið eftir ráðgjöf, þar af hafa 23 börn beðið lengur en 3 mánuði.

Nánari upplýsingar um Ráðgjafar- og greiningarstöð.

Barna- og unglingageðdeild LSH (BUGL)

Janúar 2026	Fjöldi barna	Meðalbiðtími - mánuðir	Fjöldi barna sem hafa beðið lengur en 3 mánuði
Göngudeild BUGL	37	1,9	0
Þar af transteymi BUGL	x	x	x
Átröskunarteymi BUGL	5	1,09 (39 dagar)	0

BUGL veitir börnum og unglingum með geð- og þroskaraskanir margvíslega þjónustu.

Sýslumaðurinn á höfuðborgarsvæðinu

Mál er varða hag barna, barn ekki aðili máls.

Tölur uppfærðar 18. febrúar 2026

Á fjölskyldusviði Sýslumannsins á höfuðborgarsvæðinu (SMH) eru m.a. meðhöndluð erindi foreldra er varða framfærslu barna, umgengni, sambúðarslit, skilnað, skipta búsetu, forsjá, lögheimili eða utanlandsferð. Við meðferðþessara mála kann að reyna á sáttameðferð, ráðgjöf og fleiri úrræði samkvæmt barnalögum. Þá eru meðhöndluð hér mál á grundvelli ættleiðingarlaga og lögræðislega. Börnin sjálf eru ekki aðilar þessara mála, í merkingu stjórnsýslunnar, en málin varða hagsmuni þeirra. 

Yfirlit yfir mál hjá SMH á grundvelli barnalaga eða hjúskaparlaga, sem hafa stofnast en bíða meðferðar, þar sem aðilar máls eiga barn eða börn sem erindi foreldra varðar eru eftirfarandi:

	Fjöldi mála er bíður meðferðar	Fjöldi barna	Meðalbiðtími í mánuðum	Fjöldi barna sem hafa beðið lengur en 3 mánuði
Mál SMH á grundvelli barnalaga og hjúskaparlaga	358	378	*	221
Mál SMH á grundvelli ættleiðingarlaga	5**	5	10***	5
Mál SMH á grundvelli lögræðislaga	32	28	****	14
Sáttameðferð (allir sýslumenn)	203	312	5*****	139
Önnur mál sérfræðinga skv. barnalögum (allir sýslumenn)	3	7	0,5******	0

Bið barna eftir þjónustu:

*Ómögulegt er að veita svör um meðalbiðtíma þar sem biðtími mála er mjög misjafn, m.a. eftir málategundum. Þannig eru sum mál tekin til afgreiðslu innan nokkurra daga en önnur þurfa að bíða. Það mál sem hefur beðið lengst var móttekið hjá embættinu þann 5. júní 2025.

**Hér eru einungis taldar beiðnir ættleiðingar á tilgreindum börnum, þ.e. einstaklinga sem ekki hafa náð 18 ára aldri. Ekki eru talin mál sem varða ótilgreind börn eða stjúpættleiðingar fullorðinna.

***Meðaltími sem málin hafa þegar beðið. Elsta málið hefur beðið í tólf mánuði. Þess má vænta að málin komi öll til afgreiðslu fljótlega, þannig að meðalbiðtími þeirra verði sá sem er tilgreindur.

****Ekkert verður fullyrt um meðalbiðtíma þessara mála þar sem þeim er forgangsraðað þannig að þau mál sem ekki þola bið fá afgreiðslu fljótlega frá því að beiðni berst.

*****Erfitt er að fullyrða um meðalbiðtíma þar sem fjöldi mála fá forgang, s.s. dagsektarmál, aðfararmál o.fl. Uppgefinn biðtími tekur því einungis til þeirra mála sem ekki fá forgang.

 ******Erfitt að fullyrða um meðalbiðtíma, þar sem fjöldi mála fá forgang, s.s. eftirlit með umgengni o.fl. Uppgefinn biðtími tekur því einungis til þeirra mála sem hafa þurft að bíða afgreiðslu.

• Samkvæmt 46. gr. b barnalaga 76/2003 ber sýslumanni að bregðast við ef barn missir foreldri sitt. Ber sýslumanni að kanna tengsl barns við vandamenn, veita barni og forsjáraðila tækifæri til að mæta á fund sýslumanns og veita leiðbeiningar um umgengnisrétt. Mál á grundvelli 46. gr. b sem bíða meðferðar hjá SMH eru hér að neðan. Boðið er upp á viðtal þegar fjórir mánuðir eru liðnir frá andláti foreldris og eru mál á bið talin þau sem lengri tími er liðinn án þess að þjónusta hafi verið boðin.

• Samkvæmt 74. gr. barnalaga 76/2003 getur sýslumaður óskað eftir því við sérfræðing að taka viðtal við barn og gera um það skýrslu. Fjöldi slíkra beiðna og staða mála á bið eru hér að neðan. Það skal tekið fram að hér er um að ræða mál alls landsins. Biðtími er talinn frá því að mál stofnast og þar til það er tekið til meðferðar.

• Samkvæmt 33. gr. b barnalaga 76/2003 getur barn óskað þess að sýslumaður bjóði foreldrum samtal um fyrirkomulag forsjár, lögheimlis búsetu og umgengni. Biðtími er talinn frá því að mál stofnast og þar til það er tekið til meðferðar

	Fjöldi mála er bíður meðferðar	Fjöldi barna	Meðalbiðtími í mánuðum	Fjöldi barna sem hafa beðið lengur en 3 mánuði
Mál skv. 46. gr. b. barna-laga	0	0	0	0
Viðtal við barn skv. 74. gr. barnalaga (a	0	0	0	0
Samtal að frumkvæði barns, 33. gr. barnalaga	0	0	0	0

• Vefsíða sýslumannsins á höfuðborgarsvæðinu.

Heilsugæslan 

Höfuðborgarsvæðið

Bið eftir þjónustu sálfræðinga hjá heilsugæslustöðvum höfuðborgarsvæðisins.

	Fjöldi barna	Meðalbiðtími, dagar	Fjöldi barna sem hafa beðið lengur en 3 mánuði
Börn í bið eftir þjónustu sálfræðinga	221	101	78

Landsbyggðin

Bið eftir þjónustu sálfræðinga hjá heilsugæslustöðvum landsbyggðarinnar.

Heilbrigðisstofnun Norðurlands

	Fjöldi barna	Meðalbiðtími, dagar	Fjöldi barna sem hafa beðið lengur en 3 mánuði
Börn í bið eftir þjónustu sálfræðinga	135	Miðgildi biðtíma er 140 dagar	87

Heilbrigðisstofnun Suðurlands

	Fjöldi barna	Meðalbiðtími, dagar	Fjöldi barna sem hafa beðið lengur en 3 mánuði
Börn í bið eftir þjónustu sálfræðinga	35	6-8 vikur	0

* HSU sinnir 9 stöðvum sem eru staðsettar frá Þorlákshöfn að Höfn. Á sumum stöðvum er styttri bið eftir 1. línu sálfræðiþjónustu en í Árborg sem er fjölmennasta svæðið er biðtíminn lengstur.

Heilbrigðisstofnun Vesturlands

	Fjöldi barna	Meðalbiðtími, dagar	Fjöldi barna sem hafa beðið lengur en 3 mánuði
Börn í bið eftir þjónustu sálfræðinga	7	98	1

Heilbrigðisstofnun Suðurnesja

	Fjöldi darna	Meðalbiðtími, dagar	Fjöldi barna sem hafa beðið lengur en 3 mánuði
Börn í bið eftir þjónustu sálfræðinga	37	82	0

Heilbrigðisstofnun Austurlands

	Fjöldi daga	Meðalbiðtími, dagar	Fjöldi barna sem hafa beðið lengur en 3 mánuði
Börn í bið eftir þjónustu sálfræðinga	18	56 dagar	5

Heilbrigðisstofnun Vestfjarða

	Fjöldi daga	Meðalbiðtími, dagar	Fjöldi barna sem hafa beðið lengur en 3 mánuði
Börn í bið eftir þjónustu sálfræðinga	Ekkert svar

Heilsuskóli Barnaspítala Hringsins

	Fjöldi barna	Meðalbiðtími, mánuðir	Fjöldi barna sem hafa beðið lengur en 3 mánuði
Börn í bið eftir þjónustu Heilsuskólans	66	9,8	34

Í Heilsuskólanum er fjölskyldum kenndar aðferðir til að takast á við þyngdarstjórnun og viðhalda breytingum ásamt því að bæta lífsgæði til lengri tíma (upplýsingar teknar frá vefsíðu Heilsuskólans).

Heyrnar- og talmeinastöð Íslands - HTÍ

Uppfært 18.02.2026

Staða biðlista fyrir börn 10.12.2025
	Heildarfjöldi barna	Bið yfir 3 mánuði	Bið undir 3 mánuði
Heyrnamæling barna yngri en 4 ára	82	N/A
Heyrnamæling barna eldri en 4 ára	21	N/A
Heyrnamæling og læknisskoðun barna v. tilvísun heilbri.starfs.	65	29	36
Heyrnamæling og læknisskoðun barna v. sjálf/annað	7	3	4
Talmeinasvið***	73

Árlegar innkallanir heyrnaskertra barna**	Innköllun
Forskólabörn (2020-2025) árleg innköllun og/eða eftir þörfum	28
Grunnskólabörn (2010-2019) árleg innköllun og/eða eftir þörfum	139
Eldri börn (2008-2009) innnk. 1 til 2ja ára fresti og/eða eftir þörfum	37

Heyrnar- og talmeinastöð Íslands

Talmeinafræðingar

Uppfært 18.02.2026 - vantar gögn

• Biðlistar talmeinafræðinga eru ekki samræmdir en Sjúkratryggingar Íslands gerðu úttekt á stöðu barna á bið hjá talmeinafræðingum í desember 2021 að beiðni heilbrigðisráðuneytisins.
•  Flest börn á biðlistum höfðu beðið í 0-6 mánuði (30%) en um 11% höfðu verið á biðlista lengur en 2 ár, sjá neðangreinda töflu.

Desember 2021	Fjöldi barna	Fjöldi barna skráð á fleiri en einum stað
Börn í bið eftir þjónustu talmeinafræðinga	3701	947

Biðtími	Hlutfall
0-6 mánuðir	30%
7-12 mánuðir	29%
13-18 mánuðir	17%
19-24 mánuðir	12%
Lengur en 2 ár	11%

 Dæmi um bið barna eftir þjónustu

Dæmi voru uppfærð í september 2025

Dæmi um barn sem bíður eftir frumgreiningu vegna gruns um ADHD hjá Austurmiðstöð

Árið 2023 var Anna 9 ára og í 4. bekk í grunnskóla. Anna var farin að eiga mjög erfitt með að læra og einbeita sér í skólanum. Þessir erfiðleikar voru farnir að hafa mikil áhrif á hennar líðan og sjálfsmynd. Í janúar 2023 var óskað eftir skimun vegna gruns um ADHD. Foreldrar Önnu fengu viðtal vegna skimunar í byrjun mars 2023. Í lok mars 2023 fengu Anna og foreldrar hennar þær upplýsingar að þörf væri á frumgreiningu. Foreldrum Önnu hefur verið tjáð að hún muni ekki komast að í frumgreiningu hjá Austurmiðstöð fyrr en í fyrsta lagi vorið 2026. Þá verður Anna að klára 7. bekk. Ef niðurstaða frumgreiningar verður að Anna þurfi að fara í greiningu mun hún fara á biðlista hjá Geðheilsumiðstöð barna. Í september 2025 var meðalbiðtími hjá Geðheilsumiðstöð vegna gruns um ADHD 12.7 mánuðir. Að óbreyttu mun Anna þess vegna ekki vera komin með greiningu fyrr en í júní 2027. Þá verður Anna að klára 8. bekk. Anna þarf í heildina að bíða í fjögur og hálft ár eftir greiningu vegna gruns um ADHD.

Dæmi um barn sem bíður eftir frumgreiningu vegna gruns um ADHD hjá Suðurmiðstöð

Símon er 5 ára og mun byrja í skóla haustið 2026. Hann á erfitt með að halda athygli, fylgja fyrirmælum og truflast auðveldlega af utanaðkomandi áreiti. Fagaðilar hafa mælt með að hann fari í greiningu en Símon hefur verið í talþjálfun, sjúkraþjálfun og iðjuþjálfun. Foreldrar hans hafa fengið þær upplýsingar að bið eftir greiningu vegna gruns um ADHD hjá Suðurmiðstöð séu 16 mánuðir. Þegar frumgreining liggur fyrir tekur við bið hjá Geðheilsumiðstöð barna og foreldrar Símonar hafa fengið þær upplýsingar að hann muni þurfa að bíða í 24 mánuði eftir greiningu hjá Geðheilsumiðstöð. Þá hefur þeim einnig verið tjáð að ekki sé hægt að vísa beiðni til Geðheilsumiðstöðvar fyrr en hann verði orðinn 7 ára. Að óbreytu má því gera ráð fyrir að Símon þurfi að bíða í um 3,5 ár eftir greiningu á ADHD, þá er viðbúið að biðin verði enn lengri ef beiðni verður ekki send til Geðheilsumiðstöðvar fyrr en hann nær 7 ára aldri.