Umboðsmaður barna og Mannréttindastofnun Íslands óska eftir upplýsingum um stöðu fullgildingar þriðju valfrjálsu bókunarinnar við Barnasáttmálann
Umboðsmaður barna og Mannréttindastofnun Íslands sendu í gær erindi til dómsmálaráðherra þar sem óskað er upplýsinga um stöðu fullgildingar þriðju valfrjálsu bókunarinnar við samning Sameinuðu þjóðanna um réttindi barnsins.
Þriðja valfrjálsa bókunin kveður á um sérstaka kvörtunarleið sem gerir börnum og fulltrúum þeirra kleift að bera meint brot á réttindum samkvæmt Barnasáttmálanum undir barnaréttarnefnd Sameinuðu þjóðanna.
Umboðsmaður barna hefur um árabil lagt áherslu á að Ísland fullgildi bókunina og styrki þar með réttarvernd barna.
Hægt er að lesa erindið hér.