Tannheilsa barna og unglinga - Rannsóknarniðurstöður
Íslensk börn og ungmenni standa verr að vígi í tannverndarmálum en jafnaldrar þeirra á Norðurlöndum.
Í gær voru kynntar fyrstu niðurstöður MUNNÍS – landsrannsóknar á munnheilsu barna á Íslandi - á fundi hjá Lýðheilsustöð. Með MUNNÍS-rannsókninni hafa fengist mjög áreiðanlegar upplýsingar um það hvernig tannheilsu barna og ungmenna á Íslandi er nú háttað. Megintilgangur rannsóknarinnar var að mæla tíðni tannátu og glerungseyðingar hjá börnum og unglingum auk þess sem aflað var upplýsinga um glerungsgalla, tannáverka, tannmissi og sjúkdóma í mjúkvefjum. Fyrri rannsóknir sýndu jákvæða þróun í átt að góðri tannheilsu barna á Íslandi en niðurstöður þessarar rannsóknar sýna að þarna er ástæða er til að hafa áhyggjur af gangi mála. Tannheilsa íslenskra barna og unglinga verst á öllum Norðurlöndunum