Ráðstefna á vegum norrænu velferðarmiðstöðvarinnar í Helsinki
Þann 3. júní hélt frítt föruneyti á vegum umboðsmanns barna á ráðstefnu í Helsinki á vegum norrænu velferðarmiðstöðvarinnar um réttindi barna sem bar heitið The right of children and young people to be heard, seen, and involved in the Nordic region.
Tveir fulltrúar úr ráðgjafarhópi umboðsmanns barna, þau Agla Björk og Baldvin Týr, ásamt starfsfólki umboðsmanns barna og Ívari Mána sóttu dagana 3.-6. júní ráðstefnu norrænu velferðarmiðstöðvarinnar um réttindi barna. Ráðstefnan var haldin í Helsinki og markaði lok fjögurra ára verkefnis um þátttöku barna og ungmenna í Covid faraldrinum.
Bæði Agla Björk og Baldvin tóku þátt í vinnustofum eftir erindi á ráðstefnunni þar sem fulltrúar frá Norðurlöndunum og Eystrasaltslöndunum deildu reynslu um þátttöku barna í Covid-faraldrinum og þau tól sem börn hafa til þess vera virkir þátttakendur. Þá tók Agla Björk þátt í pallborðsumræðu fyrir hönd barna og ungmenna þar sem hún ræddi um mikilvægi nemendaráða í skólum fyrir lýðræðislega þátttöku barna. Þau stóðu sig bæði með prýði.
Salvör Nordal umboðsmaður barna sat einnig í pallborði ásamt öðrum umboðsmönnum barna á Norðurlöndunum og tók þátt í umræðu um þátttöku barna á krísutímum. Þar sagði hún m.a. frá Grindarvíkurfundinum sem umboðsmaður barna hélt með börnum frá Grindavík í byrjun árs 2024 eftir að bærinn var rýmdur.
Föruneyti umboðsmanns barna á fyrsta degi ráðstefnunnar
Agla Björk í paneli á ráðstefnunni
Vettvangsferð í Helsinki
Agla Björk og Baldvin Týr á ráðstefnunni
Agla Björk, Baldvin Týr, Ívar Máni, Sigurveig og Guðlaug Edda fyrir utan íslenska sendiráðið í Helsinki