Norræn ráðstefna um jafnréttisfræðslu í skólum
Athygli er vakin á norrænni ráðstefnu um jafnréttisfræðslu í skólum sem haldin verður í Reykjavík 21. – 22. september n.k. Ráðstefnan er kjörin vettvangur fyrir skólafólk, foreldra, fræðimenn, stjórnmálamenn og alla þá sem vilja fræða og fræðast um jafnrétti í námi og starfi. Áhersla er lögð á að kynna efni sem veitt getur innblástur til góðra verka í jafnréttismálum í bland við fræðileg erindi.
Ráðstefnan, hefst að kvöldi 21. september, hún fer fram á skandinavísku og ensku og verður túlkuð.
Skráning og nánari upplýsingar má nálgast á vefslóðinni formennska2009.jafnretti.is.