Gjaldtaka í strætisvögnum fyrir börn
Umboðsmaður barna hefur sent bréf til stjórnar Strætó BS. og borgarstjóra Reykjavíkurborgar vegna hækkunar á gjaldskrá ungmenna og gjaldfrelsi barna á grunnskólaaldri í strætó.
Bréfin fylgja eftir fyrri bréfaskriftum umboðsmanns barna vegna hækkunar á árskortum ungmenna og hvernig sú hækkun samræmist bestu hagsmunum barna á höfuðborgarsvæðinu, sem er enn ósvarað.
- Bréf umboðsmanns barna til borgarstjóra Reykjavíkurborgar
- Bréf umboðsmanns barna til stjórnarmanna Strætó bs.
Svör við erindinu munu birtast hér fyrir neðan eftir því sem þau berast embættinu en í 1. mgr. 5. gr. laga um umboðsmann barna nr. 83/1994 kemur fram að:
Stjórnvöldum er skylt að veita umboðsmanni barna allar þær upplýsingar sem að hans mati eru nauðsynlegar til að hann geti sinnt hlutverki sínu og unnið að því að stjórnvöld taki fullt tillit til réttinda, þarfa og hagsmuna barna, á öllum sviðum samfélagsins.
Uppfært 7. október 2022
Svar barst frá skrifstofu borgarstjóra með tölvupósti fimmtudaginn 6. október.