Frásagnir barna af Covid
Umboðsmaður barna safnar enn á ný frásögnum um sýn og reynslu barna af því að vera barn á tímum heimsfaraldrar.
Fyrr á þessu ári óskaði umboðsmaður barna eftir frásögnum barna um líðan þeirra, sýn og reynslu af því að vera barn á þessum tímum. Kórónuveirufaraldurinn hafði þá haft mikil áhrif á daglegt líf barna, svo sem skólagöngu, tómstundir og aðstæður þeirra heima fyrir. Við glímum enn við sömu áskoranir og því hefur umboðsmaður óskað eftir frásögnum barna á ný.
Tilgangur verkefnisins er sem fyrr að safna saman hugleiðingum barna um líðan þeirra og reynslu af þeim breytingum sem kórónufaraldurinn hefur haft á daglegt líf. Það gæti verið á skólagöngu, þátttöku í tómstundum og aðstæður þeirra heima fyrir. Áskoranir eru ef til vill aðrar en í upphafi faraldursins og því mikilvægt að safna frásögnum þeirra í annað sinn.