Flottir krakkar norðan heiða
Heimsókn umboðsmanns barna, Margrétar Maríu, til Akureyrar og nágrennis var mjög vel heppnuð í alla staði. Margrét kynnti sér störf ýmissa aðila sem vinna með börnum auk þess sem hún kynnti embættið sem vonandi verður til þess að landsbyggðin nýti sér þjónustu þess meira en verið hefur. Margrét hitti fullt af flottum krökkum fyrir norðan og vonast hún eftir að fá að heyra meira frá þeim í framtíðinni. Meðfylgjandi eru myndir frá heimsóknunum í Oddeyrarskóla og leikskólann Iðavelli. Umboðsmaður þakkar frábærar móttökur og ánægjuleg kynni.