Er geðheilbrigði forréttindi? - Morgunverðarfundur Náum áttum
Á morgunverðarfundi 27. janúar nk. verður fjallað um geðheilbrigði og áhrif umönnunar fyrsta 1001 dag í lífi hvers barns á lífsgæði og geðheilsu ævina á enda.
Umboðsmaður barna vekur athygli á fræðslufundi Náum áttum samstarfshópsins á Grand hótel Reykjavík miðvikudaginn 27. janúar nk. kl. 8:15 - 10:00.
Að þessu sinni er umfjöllunarefnið "Er geðheilbrigði forréttindi?" þar sem fjallað verður um áhrif umönnunar fyrsta 1001 dag í lífi hvers barns á lífsgæði og geðheilsu ævina á enda. Frummælendur eru þau Anna María Jónsdóttir geðlæknir, Ólafur Grétar Gunnarsson fjölskylduráðgjafi og dr. Sigrún Júlíusdóttir prófessor við Háskóla Íslands. Fundarstjóri er Steinunn Bergmann félagsráðgjafi hjá Barnaverndarstofu.
Skráning er á heimasíðu Náum áttum.
