Atvinnuþátttaka barna - umgjörð, viðhorf og eftirlit
Mikil atvinnuþátttaka barna hér á landi vekur upp spurningar um hvernig þau eru undirbúin undir margvísleg störf, hvernig eftirliti er háttað, þekkingu atvinnulífsins á þeim reglum sem gilda um vinnu barna og þekkingu barnanna sjálfra á réttindum og skyldum. Umboðsmaður barna og Vinnueftirlitið standa fyrir fundi fimmtudaginn 8. nóvember milli kl. 14:30 og 17:15 á Hótel Natura um þessar spurningar en umboðsmaður barna hefur á síðustu árum fengið margvísleg erindi og ábendingar sem snúa að atvinnuþátttöku barna.
Á fundinum verða kynntar niðurstöður úttektar á fyrirkomulagi vinnuskóla sveitarfélaganna fyrir 13-15 ára sem umboðsmaður barna stóð fyrir í sumar og einnig kynntar nýjar upplýsingar frá Hagstofunni um atvinnuþátttöku barna eftir atvinnugreinum og aldri. Þá fjalla fulltrúar Vinnueftirlitsins um þau lög og reglur sem gilda um vinnu barna og skráningu vinnuslysa. Loks taka til máls fulltrúar úr ráðgjafarhópi umboðsmanns barna og segja af reynslu sinni af vinnumarkaði og vinnuskóla.
Að loknum erindum verða pallborðsumræður með fulltrúum frá Sambandi íslenskra sveitarfélaga, Háskóla Íslands, Samtökum atvinnulífsins og VR.
Dagskrá
14:30 - Setning, Ásmundur Einar Daðason, félags- og jafnréttismálaráðherra
14:45 - Arndís Vilhjálmsdóttir, Hagstofan. Aðlögun barna að íslenskum vinnumarkaði
15:10 - Þórunn Sveinsdóttir, deildarstjóri hjá Vinnueftirlitinu. Hvaða reglur gilda um vinnu barna?
15:25 - Kristinn Tómasson, yfirlæknir hjá Vinnueftirlitinu. Vinnuslys barna og ungmenna
15:40 - Eðvald Einar Stefánsson, sérfræðingur hjá umboðsmanni barna. Úttekt á umgjörð Vinnuskóla sveitarfélaganna
16:00 - Fulltrúar úr ráðgjafarhópi umboðsmanns barna
16:15 - Pallborðsumræður: Guðbjörg Linda Rafnsdóttir, prófessor í félagsfræði, Halldór Benjamín Þorbergsson, framkvæmdastjóri Samtaka atvinnulífsins, Inga Rún Ólafsdóttir, sviðsstjóri kjarasviðs Sambands íslenskra sveitarfélaga, Ragnar Þór Ingólfsson, formaður VR.
17:00 - Samantekt og fundarlok
Fundarstjóri og stjórnandi pallborðs: Salvör Nordal, umboðsmaður barna
Staðsetning: Hótel Natura, Þingsalur 2
Tímasetning: 8. nóvember 2018, kl. 14.30-17.15
Þátttaka er öllum endurgjaldslaus en nauðsynlegt er að skrá þátttöku á fundinn.
Fundinum verður streymt af vefsíðu Vinnueftirlitsins. Nákvæm slóð verður birt á síðu fundarins á Facebook.