Um samkomubann

Samkomubann var sett á til þess að hefta útbreiðslu kórónuveirunnar hér á landi. Fyrst tók bannið til viðburða þar sem fleiri en 100 manns koma saman en bannið var síðar hert og þá var fjöldatakmarkið sett við 20 manns. Bannið á m.a. við um skóla, vinnustaði, tónleika, ráðstefnur, skemmtanir og íþróttaviðburði. Að auki þarf að tryggja að alltaf séu tveir metrar á milli manna og að aðgengi að handþvotti og handspritti sé gott.

 Hér eru nokkrar hugmyndir af hlutum sem hægt er að gera sér til skemmtunar á meðan á samkomubanni stendur, hafa ber í huga að þó svo við séum úti að leika þá þurfum við samt að huga að hreinlæti og passa okkur að snerta ekki hluti að óþörfu, að auki þurfum við að passa upp á að hafa tveggja metra fjarlægð á milli okkar og annarra.

Lestrarátakið "Tími til að lesa"

Mennta og menningarmálaráðuneytið hleypti af stokkunum lestrarátaki fyrir þjóðina þann 1. apríl. Bæði börnum og fullorðnum gefst kostur á að taka þátt og nýta tímann í samkomubanninu vel til þess að lesa sér til skemmtunar. Umboðsmaður barna hvetur alla til þess að skrá sig og taka þátt.

Hreyfing

Þegar allar æfingar falla niður sökum samkomubanns er alveg tilvalið að gera æfingar heima hjá sér og úti. Mörg íþróttafélög hafa gefið út efni á netinu fyrir iðkendur sína svo þeir geti haldið áfram að æfa heima. Þá getur verið hressandi að fara reglulega út að ganga. Munum að það er alveg jafn mikilvægt og áður að hreyfa sig og borða holt.

Bangsi í glugga

 

Bangsaveiðar

Margir hafa tekið upp á því að setja bangsa út í glugga, þetta er gert eftir erlendri fyrirmynd og er einn liður í því að hafa ofan af fyrir börnum á meðan á faraldrinum stendur. Tilgangurinn með því að setja bangsa út í glugga er svo að börn geti farið út í göngutúr og farið á bangsaveiðar, markmiðið er að finna eins marga bangsa og þú getur.

Hljóðbækur

Það er góð dægrastytting að hlusta á hljóðbækur. Hér er hægt að nálgast hljóðbækur fyrir alla aldursflokka:

 

Disney klúbburinn
Þjóðsögur
Menntamálastofnun
Barnabækur
Rafbókasafnið
Hljóðbókasafnið

 

Afþreying fyrir fjölskylduna

Það er mikilvægt að fjölskyldur séu meðvitaðar um að eiga skemmtilega tíma saman á meðan á samkomubanni stendur. Hér eru nokkrar góðar hugmyndir um afþreyingu fyrir fjölskylduna.

 

Skemmtilegar hugmyndur fyrir fjölskylduna
Tilraunir
Leikir

 

Heilsa og geðrækt

Þegar við erum mikið heima er sérstaklega mikilvægt að passa vel upp á heilsuna. Það þarf að halda rútínu, borða hollan mat og passa að hreyfa sig reglulega. Einnig er mikilvægt að fá nægan svefn. Hér eru gagnlegar upplýsingar:

 

Mataræði
Svefn
Hreyfing
Geðrækt
Núvitund

 

 

Svo er alltaf hægt að læra dansinn við þetta lag: 

https://youtu.be/VFZNvj-HfBU

 

 

 


Hafðu samband

Póstlisti


Þetta vefsvæði byggir á Eplica