Fréttir: janúar 2013 (Síða 2)

Fimmtudaginn 17. janúar munu ÍSÍ og UMFÍ standa í sameiningu fyrir hádegisfundi í húsakynnum KSÍ á Laugardalsvelli og hefst hann kl.12:10.

Velferðarnefnd Alþingis óskaði eftir umsögn umboðsmanns barna um frumvarp til laga um tóbaksvarnir og verslun með áfengi og tóbak (bann við sölu skrotóbaks), 499. mál. Umsögn sína veitti umboðsmaður með tölvupósti dags. 14. janúar 2013.

Um áramótin tóku gildi lög um breytingu á lögum nr. 95/2000, um fæðingar- og foreldraorlof, með síðari breytingum (hækkun greiðslna og lenging) sem samþykkt voru 22. desember 2012. Með þessum breytingum er að nokkru bætt fyrir þær skerðingar sem gerðar hafa verið á síðustu árum, auk þess sem fæðingarorlofið verður lengt í áföngum á næstu árum og verður það 12 mánuðir vegna barna sem fæðast (eru ættleidd eða tekin í varanlegt fóstur) 1. janúar 2016 og síðar.

Árið 2013 byrjaði aldeilis vel á skrifstofu umboðsmanns barna en í gær, 3. janúar, kom Katrín Jakobsdóttir mennta- og menningarmálaráðherra ásamt föruneyti í heimsókn til að funda með ráðgjafarhóp umboðsmanns.