English Danish Russian Thai Polish

Spurt og svarað

| 16 ára Stelpa | Skóli

Ráða foreldrar um menntaskóla

Ráða foreldrar þínir hvort þú farir í menntaskóla

Komdu sæl

Í stuttu máli er svarið nei – foreldrar ráða því ekki hvort barn þeirra fari í menntaskóla eða ekki.

 Þegar barn klárar grunnskóla er skyldunámi lokið og það ræður því sjálft hvort það sæki um framhaldsskóla eða ekki. Foreldrar  bera þó ennþá ábyrgð á börnum sínum og eiga að gera sitt besta til þess að sjá til þess þau fái menntun eða starfsþjálfun við hæfi. Foreldrar reyna því oft að hvetja börnin sín til þess að fara í einhvers konar nám, enda er það almennt talið best fyrir ungmenni að halda áfram í skóla og umgangast jafnaldra sína í uppbyggilegu umhverfi. Það er þó afar misjafnt hvers konar nám hentar hverjum og einum og getur verið gagnlegt að ræða við námsráðgjafa og heyra hvaða nám eða starfsþjálfun er í boði.

Ef þú ert með fleiri spurningar eða vilt ræða málið nánar skaltu endilega hafa samband í síma 800-5999 (gjaldfrjálst).

 

Kær kveðja frá umboðsmanni barna

Flokkur: Skóli