English Danish Russian Thai Polish

Spurt og svarað

| 15 ára strákur | Fjölskylda

Má ég ráða hvort ég fer til pabba?

hef ég rétt á því að ráða hvort ég fer til pabba eða ekki? og eins bróðir minn sem er 13 ára

Komdu sæll

Þar sem þið eruð orðnir 13 og 15 ára eigið þið að ráða mjög miklu um það hvort og þá hvenær þið farið í umgengni til pabba ykkar.

Samkvæmt lögum eru það foreldrar sem eiga að taka ákvörðun um umgengni barna. Börn eiga hins vegar rétt á því að segja sína skoðun og á sú skoðun að hafa meiri og meiri áhrif eftir því sem börn eldast og þroskast. Þegar börn eru komin á unglingsaldur eiga þau að ráða mestu um það hvernig umgengni er háttað og er ekki rétt (og í raun illframkvæmanlegt) að þvinga unglinga í umgengni gegn vilja þeirra.

Það þurfa allavega að vera góðar ástæður fyrir því að leyfa ykkur ekki að ráða hvort eða hversu oft þið farið til pabba ykkar. Það þarf þá að meta alls konar hluti eins og t.d. samskipti við foreldra og aðra í fjölskyldunni, umhverfi, skólagöngu, aðstæður á heimilum foreldra og finna út hvað er ykkur fyrir bestu. Yfirleitt er best ef foreldrar og börn ræða málin og reyna að komast að samkomulagi sem allir eru sáttir við.

Ef þú vilt ræða málið nánar er þér velkomið að hafa samband í síma 800-5999 (gjaldfrjálst).

Gangi þér vel!

Kær kveðja frá umboðsmanni barna.

Flokkur: Fjölskylda