English Danish Russian Thai Polish

Spurt og svarað

| 14 ára strákur | Ýmislegt

Þetta er frjálst land. Mér líður eins og þræl.

Þetta er frjálst land.  Mér líður eins og þræl.  Þetta /%%$%#% alþingi er fáránlegt. NIÐUR MEÐ ALÞINGIÐ!  Það á ekki að stjórna öðrum.  Hættið að semja reglur fyrir utan boðorðin. Þið getið ekkert bannað!
Mér finnst að börn eigi að fá frelsi.  Þeir þurfa ekki að ganga í skóla nema foreldrar skipi svo fyrir.  Börn eiga að fá FRELSI! FRELSIII!!!!!!!!!!!

Komdu sæll

Hlutverk grunnskólans, í samvinnu við heimilin, er að búa nemendur undir líf og starf í lýðræðisþjóðfélagi sem er í sífelldri þróun.  Að sjálfsögðu bera  foreldrarnir aðalábyrgðina á að börnin komist til manns en í  samfélaginu eru flestir sammála um það að best sé fyrir börnin að fagfólk sjái um að kenna þeim það sem nauðsynlegt er að kunna og geta til að eiga sem besta möguleika í framtíðinni. Í skólanum læra krakkar ýmislegt um samskipti og hvernig hægt er að leysa mál í sameiningu. Það er líka mikilvægt fyrir framtíðina.

Þú ert greinilega ekki sáttur við að lagasetningu Alþingis og segist vilja vera “frjáls”  Í öllum ríkjum verður að vera einhvers konar stjórnskipulag.  Þetta er einmitt mál sem gott gæti verið að ræða um í skólanum.  Í því sambandi er vert að benda á þessar spurningar á Vísindavefnum:

Kær kveðja frá umboðsmanni barna

Flokkur: Ýmislegt