... vinnur að hagsmunamálum barna almennt séð en ekki að málum einstakra barna
... leiðbeinir og gefur ráð hvert börn geta leitað til að ná fram rétti sínum
... kemur með ábendingar og tillögur til úrbóta sem snerta hag barna á öllum sviðum samfélagsins
... vill fá að vita hvað börn eru að hugsa og hvað þeim finnst um ýmsa hluti sem snerta þau og nánasta umhverfi þeirra
Afgreiðslutími er frá 9:00 til 15:00 alla virka daga
Börn til áhrifa í sveitarfélaginu
Stjórnvöld, þ.á.m. sveitarfélög, eiga að hlusta á skoðanir barna og virða þær eins og fram kemur í Barnasáttmálanum. Sveitarfélög eru skuldbundin til þess að tryggja börnum og unglingum lýðræðislega þátttöku á þeirra eigin forsendum. Á það fyrst og fremst við um málefni er snerta börn á einn eða annan hátt og þau þekkja af eigin raun. Sem dæmi má nefna skólastarf, tómstundastarf, forvarnastarf og skipulag nánasta umhverfis.
Langflest sveitarfélög landsins eru þátttakendur í svokallaðri Staðardagskrá 21. Í 25. kafla hennar segir að þátttaka barna í ákvarðanatöku og áætlanagerð um umhverfi og þróun sé grundvallarþáttur í að langtímamarkmið verkefnisins náist.
Ungmennaráð - Unglingaráð
Umboðsmaður barna hefur í mörg ár barist fyrir því að sveitarfélögum verði gert skylt að skapa unglingum vettvang til að hafa áhrif á samfélagið. Í 2. mgr. 11. gr. æskulýðslaga nr. 70/2007 segir:
Umboðsmaður barna hefur í mörg ár barist fyrir því að sveitarfélögum verði gert skylt að skapa unglingum vettvang til að hafa áhrif á samfélagið. Í 2. mgr. 11. gr. æskulýðslaga nr. 70/2007 segir:
Sveitarstjórnir hlutast til um að stofnuð séu ungmennaráð. Hlutverk ungmennaráða er m.a. að vera sveitarstjórnum til ráðgjafar um málefni ungs fólks í viðkomandi sveitarfélagi. Sveitarstjórnir setja nánari reglur um hlutverk og val í ungmennaráð.
Til að kanna hvort sveitarfélög væru búin að stofna eða hygðust stofna ungmennaráð sendi umboðsmaður barna spurningalista til allra sveitarfélaga á landinu í september 2008. Samkvæmt svörum frá sveitarfélögunum voru á þeim tíma starfandi ungmennaráð í 14 sveitarfélögum með um 60% íbúa landsins og 30 til viðbótar (með um 30% íbúa landsins) sögðu að það stæði til að koma á fót ungmennaráði. Önnur 30 sveitarfélög (með um 10% íbúa landsins) sögðu að það stæði ekki til að koma á laggirnar ungmennaráði. Fjögur fámenn sveitarfélög svöruðu ekki fyrirspurn umboðsmanns. Í byrjun árs 2010 var könnunin endurtekin. Kom þá í ljós að eitt sveitarfélag hafði lagt niður ungmennaráð en tvö sveitarfélög til viðbótar höfðu stofnað ungmennaráð. Á miðju ári 2010 er því staðan þannig að 18 sveitarfélög með 74% íbúa landsins eru með starfandi ungmennaráð. Niðurstaða umboðsmanns er því sú að stærstu og meðalstóru sveitarfélögin eru þau sem helst starfrækja ungmennaráð.
Prentvæn útgáfa
Slóðir
Almennt um ungmennaráð í Reykjavík
Reykjavíkurráð ungmenna
Ungmennaráð Breiðholts
Ungmennaráð Árbæjar og Grafarholts
Kringluráð
Laugardalsráð
Ungmennaráð Grafarvogs
Ungmennaráðið í Vík
Ef þú veist um einhverjar slóðir sem þér finnst að eigi erindi hér, sendu okkur endilega tillögur þínar á ub@barn.is
