Opið málþing um nýju grunnskólalögin
Í tengslum við yfirstandandi endurskoðun grunnskólalaga stendur menntamálaráðuneytið fyrir málþingi um framtíðarsýn í málefnum grunnskólans og ný grunnskólalög laugardaginn 25. nóvember kl. 9:30-13:00.
Þingið er liður í víðtæku samráði um nýju lögin til að ná sem bestri samstöðu um framtíðarsýn í málefnum grunnskólans og leiðarljós nýrra grunnskólalaga. Það er einkum ætlað fulltrúum frá sveitarfélögum, skólastjórum, kennurum, foreldrum og ýmsum hagsmunaaðilum sem koma að málefnum grunnskólans, sem og öðru áhugafólki. Á málþinginu verður staðan í endurskoðun grunnskólalaga kynnt. Síðan verður fjallað um nokkur helstu álitamálin í tengslum við endurskoðun grunnskólalaga.
Málþingið er öllum opið og þátttakendum að kostnaðarlausu. Skráning á www.congress.is.
Nánari upplýsingar um málþingið og dagskrá þess er að finna í frétt, dags. 14.11.06, á vef menntamálaráðuneytisins.