Nefnd um réttindi barnsins í Genf
Barnaréttarnefnd Sameinuðu þjóðanna er staðsett í Genf og hefur eftirlit með framkvæmd Barnasáttmálans í aðildarríkjunum.
Aðildarríkin skila nefndinni reglulega skýrslu um framkvæmd Barnasáttmálans. Nefndin fer yfir skýrsluna og aflar frekari upplýsinga um ástand mála í viðkomandi ríki. Upplýsingar fær hún m.a. frá óháðum félaga- og mannréttindasamtökum. Umboðsmaður barna sendir nefndinni skýrslu. Í henni er fjallað um það hvað betur megi fara á Íslandi hvað varðar framkvæmd Barnasáttmálans.
Fulltrúar ríkjanna mæta svo á fund nefndarinnar, gera grein fyrir stöðu mála og svara spurningum og gagnrýni nefndarmanna. Nefndin leggur síðan fram álit sitt á því hvernig til hefur tekist með framkvæmd sáttmálans og setur fram ábendingar til aðildarríkisins um nauðsynlegar úrbætur. Aðildarríkjunum ber að birta skýrslur sínar og álit nefndarinnar opinberlega.
Skýrslur frá Íslandi til barnaréttar-nefndarinnar
Íslenska ríkið hefur skilað 6 skýrslum til nefndarinnar.
Fyrsta skýrsla Íslands. Gerð árið 1994.
Önnur skýrsla Íslands. Gerð árið 2000.
- Önnur skýrsla Íslands um framkvæmd Barnasáttmálans.
- Upplýsingar frá umboðsmanni barna varðandi framkvæmd Barnasáttmálans 2002 (PDF) .
- Lokaathugasemdir barnaréttar-nefndar vegna annarrar skýrslu Íslands.
Þriðja og fjórða skýrsla Íslands. Gerð árið 2008 (PDF).
- Þriðja og fjórða skýrsla Íslands um framkvæmd Barnasáttmálans.
- Skýrsla umboðsmanns barna til barnaréttarnefndarinnar 2010 (PDF).
- Lokaathugasemdir barnaréttarnefndar vegna þriðju og fjórðu skýrslu Íslands.
Fimmta og sjötta skýrsla Íslands. Gerð árið 2019.
- Fimmta og sjötta skýrsla Íslands um framkvæmd Barnasáttmálans.
- Skýrsla umboðsmanns barna til barnaréttarnefndarinnar, 2020.
- Listi barnaréttarnefndar um álitaefni í tengslum við skýrslu Ísland.
- Lokaathugasemdir barnaréttarnefndarinnar vegna fimmtu og sjöttu skýrslu Íslands.
Almennar athugasemdir barnaréttarnefndarinnar
Barnaréttarnefndin hefur gefið út nokkrar almennar athugasemdir (e. general comments) sem veita nánari upplýsingar um hvað felst í skyldum aðildarríkja Barnasáttmálans.
Hér má nálgast allar almennar athugasemdir barnaréttar-nefndarinnar.
Álit Barnaréttar-nefndarinnar í einstaklingsmálum gegn aðildarríkjum
Með þriðju valfrjálsu bókuninni var börnum og fulltrúum þeirra veitt kæruleið til Barnaréttar-nefndarinnar vegna brota aðildarríkja gegn ákvæðum Barnasáttmálans. Skilyrði fyrir því er m.a. að aðildarríkið sem sé aðili að þriðju valfrjálsu bókuninni og að kæruleiðir innanlands hafi verið tæmdar. Ísland hefur hvorki undirritað né fullgilt bókunina en Danmörk og Finnland eru einu Norðurlöndin sem hafa gert það. Álit nefndarinnar í einstaklingsmálum eru mikilvægur þáttur í að skýra nánar inntak Barnasáttmálans.
Nýjustu álit Barnaréttar-nefndarinnar.
Gagnlegar vefsíður
Viðbætur við Barnasáttmálann
Ísland hefur fullgilt tvær valfrjálsar bókanir við Barnasáttmálann annars vegar um sölu á börnum, barnavændi og barnaklám og hins vegar um þátttöku barna í vopnuðum átökum. Öðlaðist sú fyrrnefnda gildi 18. janúar 2002 og sú síðarnefnda 12. febrúar 2002. Við lögfestingu Barnasáttmálans í febrúar 2013 voru þessar bókanir einnig lögfestar.
Hér eru auglýsingar og skýrslur um þessar bókanir:
- Auglýsing um valfrjálsa bókun viðsamninginn um réttindi barnsins um sölu á börnum, barnavændi og barnaklám (PDF).)
- Auglýsing um valfrjálsa bókun viðsamninginn um réttindi barnsins um þátttöku barna í vopnuðum átökum. (PDF)
- Skýrsla Íslands um framkvæmd valfrjálsrarbókunar við samninginn um réttindi barnsins um sölu á börnum, barnavændi og barnaklám, júlí 2004.
- Skýrsla Íslands um framkvæmd valfrjálsrar bókunar við samninginn um réttindi barnsins um þátttöku barna í vopnuðum átökum, ágúst 2004. (PDF á ensku)