Lög og reglur

Í ýmsum lögum, sem Alþingi hefur sett, er að finna ákvæði er varða börn og unglinga. Öll lög er hægt að nálgast á vef Alþingis, t.d. með því að opna lagasafn eða  slá inn heiti laganna, númer þeirra eða efnisorð í leitarvél. 

Allar reglugerðir er að finna í reglugerðasafninu á www.reglugerd.is.

Á vef stjórnarráðsins, Rettarheimild.is, er að finna yfirlit yfir lög og reglugerðir, dóma, stjórnvaldsúrskurði, alþjóðasamninga, niðurstöður alþjóðadómstóla og fleira.

Sýslumaðurinn er sameiginlegur vefur sýslumannsembættanna.  Þar eru upplýsingar um verkefni sýslumanna og umdæmi svo og ýmsar leiðbeiningar fyrir þá sem þurfa að leita til embættanna.  Undir flipanum Sifjamál m.a. er að finna mjög gagnlegar upplýsingar um meðlag/framlög, faðerni og forsjár- og umgengnismál. Sýslumaðurinn í Reykjavík er svo með vefsíðu þar sem er að finna mjög ítarlegar upplýsingar um málefni barnalaga.  Smellt er á flipann Leiðbeiningar.

Efni helstu lagaákvæða, sem varða börn og unglinga hér á landi er einnig birt í Litlu lögbókinni — lögbók barnanna (á krakkasíðunni)  og Lögum unga fólksins (á unglingasíðunni).  Ákvæðin birtast umorðuð, það þýðir að þau eru ekki tekin orðrétt upp úr íslenska lagasafninu heldur hefur verið reynt að setja þau fram á aðgengilegan hátt þannig að börn og unglingar skilji efni þeirra.

Hér að neðan eru tenglar á nokkur lög sem innihalda ákvæði er varða börn og unglinga.  Í umfjöllun um einstaka málaflokka er einnig að finna upplýsingar um lög, reglur o.fl. varðandi þá.

• Stjórnarskrá lýðveldisins Íslands 
• Lög um mannréttindasáttmála Evrópu
• Stjórnsýslulög
• Lög um umboðsmann Alþingis 
• Lög um umboðsmann barna

• Barnalög
• Barnaverndarlög
• Lögræðislög
• Lög um ættleiðingar

• Lög um leikskóla
• Lög um grunnskóla
• Lög um framhaldsskóla

• Lög um meðferð einkamála
• Lög um meðferð sakamála