Afgreiðslutími er frá 9:00 til 15:00 alla virka daga





    28. janúar 2010

    Fræðsluefni um geðheilbrigði barna

    Umboðsmaður barna vill vekja athygli á tveimur nýjum bæklingum um geðheilbrigði barna, annar ætlaður unglingum og hinn aðstandendum barna og unglinga.
     
    Bæklingarnir eru unnir á vegum Barna- og unglingageðdeildar Landspítala (BUGL) í samstarfi við Lýðheilsustöð og Landlæknisembættið.
     
    Ákveðið var að ráðast í gerð fræðslubæklinganna í ljósi þess að ekkert efni var til á íslensku um þetta efni en þörfin fyrir fræðslu sem þessa er mjög brýn. Meðal þess sem fjallað er um er: hvað er geðheilsa, hvað truflar geðheilsu, helstu merki um geðheilsuvandamál, hvernig nálgast má aðstoð ef vanda ber að höndum, og nokkur góð ráð sem styrkt geta geðheilsuna

    Bæklingurinn fyrir unga fólkið brýst saman þar til hann er svo smár að auðvelt er að setja hann í vasann eða töskuna en sá fyrir aðstandendur er í hefðbundnara útliti.

    Hægt er að panta bæklingana hér á vefsíðu Lýðheilsustöðvar eða skoða þá á skjánum og prenta út í pdf formi.

    Unglingabæklingurinn á pdf formi er hér
    Foreldrabæklingurinn á pdf formi er hér



    12. grein Barnasáttmálans

    1. Aðildarríki skulu tryggja barni sem myndað getur eigin skoðanir rétt til að láta þær frjálslega í ljós í öllum málum sem það varða, og skal tekið réttmætt tillit til skoðana þess í samræmi við aldur þess og þroska.
    2. Vegna þessa skal barni einkum veitt tækifæri til að tjá sig við hverja þá málsmeðferð fyrir dómi eða stjórnvaldi sem barnið varðar, annaðhvort beint eða fyrir milligöngu talsmanns eða viðeigandi stofnunar, á þann hátt sem samræmist reglum í lögum um málsmeðferð.